Beləliklə, Çinin ən böyük elektromobil istehsalçılarından biri olan BYD qlobal bazarda Uber ilə əməkdaşlıq edəcək. Yeni bağlanan müqaviləyə görə Uber sürücülərinə BYD-nin elektrik avtomobilləri üçün ödəniş, texniki xidmət və şarjla bağlı bazardan asılı olaraq dəyişən endirimlər təqdim olunacaq. Çinin elektrik avtomobil istehsalçısı BYD və Uber şirkəti uzunmüddətli müqavilə imzalayıb.
BYD-nin 100 min yeni elektrik avtomobili Uber-in dünya üzrə gəzinti platformasına daxil ediləcək. İki şirkət arasında əməkdaşlıq Avropa və Latın Amerikasından başlayaraq bütün dünyaya yayılacaq. Bu yolla qlobal olaraq Uber sürücüləri daha əlçatan qiymətlər və ödəniş imkanları ilə BYD-nin elektrik avtomobillərinə sahib ola biləcəklər. Birləşmiş Ştatlar Yaxın Şərq, Kanada, Avstraliya və Yeni Zelandiya kimi ölkələri/regionları isə bu müqaviləyə daxil edilməyib. Təbii ki, bunun əsas səbəbləri olaraq həmin regionlarda Çinə və ya Çin elektromobillərinə qarşı atılan addımlardır.
Bundan əlavə, qlobal əməkdaşlığa imza atan Uber və BYD Çin şirkətinin avtonom idarəetmə texnologiyalarına malik avtomobillərini ride-hailing platformasına inteqrasiya edərək, avtonom idarəetmə xüsusiyyətlərinə malik avtomobillərin hazırlanması üçün birgə işləməyi planlaşdırır. İki şirkət tərəfindən edilən ortaq bəyanatda, əməkdaşlığın sürücülərə nəqliyyat vasitələrinə texniki qulluq, şarj, maliyyələşdirmə və lizinq bazarından asılı olaraq dəyişən endirimlər təqdim edərək elektrikli avtomobil keçidini dəstəkləyəcəyi ifadə edilib. Qeyd edək ki, ABŞ-da Uberin əsas əməkdaşı Tesla hesab olunur. Hətta Uber öz əməkdaşı ilə 2030-cu ilə qədər ABŞ və Kanadada emissiyasız UBER avtomobillərin sayının çoxalmasını hədəfləyir.
