Samsung ikinci rübdə gözləniləndən yüksək gəlir və əməliyyat mənfəəti barədə məlumat verib. Belə ki, Cənubi Koreyalı texnologiya nəhənginin süni intellekt öyrədilməsində istifadə edilən qabaqcıl yaddaş çiplərinə olan tələbat onun gəlirlərini artırıb. Beləliklə, Samsung, süni intellekt yaddaş çipləri sayəsində öz gəlirlərinin düz 1458% artırmağa nail olub.
Xatırladaq ki, Samsung bu ayın əvvəlində öz gəlir gözləntisini açıqlamışdı və indi ilin ikinci rübü üçün maliyyə göstəricilərini paylaşıb. Samsung gözləntiləri aşaraq, müvafiq rübdə əvvəlki ilə nisbətən gəlirdə 23,42% əməliyyat mənfəətində isə yüzdə 1458% artıma şahid olub. Samsung-un böyük gəlir artımı süni intellekt təhsili üçün vacib olan qabaqcıl yaddaş çiplərinə tələbin artması nəticəsində baş verib. Samsung-un açıqlamasına görə, şirkət ikinci rübdə 23,42% artımla 53,5 milyard dollar gəlir əldə edib. Həmçinin, “Samsung”-un əməliyyat mənfəəti 1458% artaraq 7,5 milyard dollara çatıb. Süni intellektdə istifadə edilən HBM yaddaşlarına və ənənəvi DRAM yaddaşlarına güclü tələbat Samsung-un xəzinəsini doldurub.
Samsung, HBM, server DRAM və SSD daxil olmaqla server məhsullarına tələbin ilin ikinci yarısında güclü qalacağını gözlədiyini bildirib. Şirkət əlavə edib ki, HBM və server DRAM-a olan tələbatı ödəmək üçün ənənəvi yaddaş çiplərinin tədarükünü daha da məhdudlaşdıra bilər. Şirkət həmçinin ilin ikinci yarısında mövcud olan ən yeni HBM3E yaddaşlarının həcmini artıracaqlarını və süni intellekt olan tələbatı tam ödəyəcəklərini bildirib. Beləliklə, Samsungun çip biznesi (Samsung Device Solutions) bir ildən artıq müddətdə ilk dəfə mənfəət əldə edib.
