Son zamanlarda tənqid hədəfinə çevrilən Twitter platforması yeni funksiyalar üzərində işləməyə davam edir. Belə ki, Twitter platformasına səsli və video zəng funksiyası əlavə ediləcək. Artıq yeni funksiyanın ekran görüntüsü paylaşılıb. Paylaşılan şəkil yeni funksiyanın necə görünəcəyini və necə istifadə ediləcəyini açıqlayır. Twitter artıq yalnız yazılardan ibarət olan sosial media deyil. İstifadəçilər Twitter platformasında digər mesajlaşma tətbiqlərində olduğu kimi video zəngli və səsli formada ünsiyyət qura biləcək. Yeni funksiyanı Twitter platformasında xəyal etmək nə qədər çətin olsa da bu reallaşacaq.
Qeyd edək ki, Twitter həmçinin kimin DM göndərə biləcəyinə dair yeni məhdudiyyətləri sınaqdan keçirir. Hətta yenilik Twitter Blue abunəçiləri ilə məhdudlaşdıra bilər. Nəzərə almaq lazımdır ki, Twitter platforması istifadəçilərinin 0,3%-dən az hissəsi Twitter Blue proqramına daxil olub. Twitter platformasında dizayner kimi çalışan Andrea Conway rəsmi sosial media hesabında yeni funksiyanın ekran görüntüsünü paylaşıb. Paylaşılan görüntüyə görə, tətbiqin DM (Birbaşa Mesaj) bölməsindəki söhbət səhifələrinə telefon və ya zəng işarəsi əlavə olunacaq.
İstifadəçilər bu telefon işarəsinə toxunduqda isə iki fərqli seçim görünəcək, səsli zəng və video zəng. İstifadəçilər iki variantdan birini seçməklə digər şəxslə asanlıqla ünsiyyət qura biləcəklər. Video zənglər zamanı çox sadə şəkildə ön və arxa kameralar arasında keçid etmək mümkün olacaq. İstənilən halda kamera və mikrofon da söndürülə bilər. Məşhur sosial media platformasına səsli və video zəngləri təmin edəcək yeni funksiyanın nə vaxt əlavə ediləcəyi hələ dəqiq deyil. Həmçinin yeni xüsusiyyətin Blue abunəçiləri üçün eksklüziv olub-olmayacağı da məlum deyil.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
