Dünyanın aparıcı çip istehsalçısı olan TSMC yarımkeçiricilərin inkişafında Huawei şirkətinin ən son nailliyyətlərini zəif hesab edib. Belə ki, TSMC Çinli Huawei şirkətinin yarımkeçirici bazarında əldə etdiyi bu uğur ilə çip bazarında özünə rəqib kimi görmür. Tayvan şirkəti səhmdarlar yığıncağında ABŞ-ın Huawei-yə tətbiq etdiyi texnoloji boşluq və ixrac məhdudiyyətlərini əsas gətirərək bazardakı üstünlüyünü qoruyub saxlayacağına əminliyini ifadə edib. TSMC sədri Mark Liu, səhmdarın Huawei və digər rəqiblərlə bağlı sualına cavab olaraq: “TSMC hər bir rəqibi çox diqqətlə araşdırır. Bizim həmişə rəqiblərimiz olacaq. Amma bunun Huawei ilə heç bir əlaqəsi yoxdur.” deyib.
Ümumilikdə TSMC yalnız Huawei şirkətinin deyil Çinin çip bazarında geridə qaldığını düşünür. TSMC-nin sədri həmçinin Huawei-nin çip istehsal texnologiyasına yetişməsinin “mümkün olmadığını” bildirib. Mütəxəssislərin fikrincə, TSMC rəhbərlərinin özlərinə olan etimadı şirkətin yarımkeçirici sənayesində qabaqcıl mövqedə möhkəmlənməsindən qaynaqlanır.
Qeyd edək ki, Huawei şirkəti qabaqcıl çip istehsalı avadanlıqlarını ABŞ hökumətinin sanksiyalarına məruz qaldığı üçün əldə edə bilmir. Məhz, bu səbəbdən şirkətin ən yüksək səviyyədə rəqabət qabiliyyəti məhdudlaşır. Nəticədə, TSMC gələn il 2 nanometrlik çiplərin istehsalına başlamağı planlaşdırır, Huawei hələ də 7 nm proses texnologiyaları ilə işləyir və bəzi söz-söhbətlərə görə, 5 nm çipset tezliklə buraxıla bilər. 2019-cu ildə ABŞ-da qara siyahıya düşən Huawei, Mate 60 Pro və yeni Kirin 5G prosessorları ilə smartfon bazarında əsas oyunçu kimi qayıtmağa çalışmışdı. Bununla belə, 7nm exnologiyası onu digər çip istehsalçılarının ən son məhsulları ilə müqayisədə performans və səmərəlilik baxımından geridə qoyurdu. Huawei-nin özünü təmin etmək səyləri diqqətəlayiq olsa da, texnologiya boşluğu və ABŞ sanskiyasının tətbiq etdiyi məhdudiyyətlər əhəmiyyətli bir problem yaradır.
