Yarımkeçiricilər üzrə ixtisaslaşan texnologiya nəhəngi TSMC indi 1nm istehsal texnologiyası üçün hazırlıqlara başladı. Belə ki, texnoligiya nəhəngi məhz yeni texnologiya üçün Tayvanda ən müasir fabrik qurmaq və onu inkişaf etdirmək istəyir. Ümumiyyətlə 1 nm yarımkeçiricilər sənaye üçün həqiqətən də yeni bir meyardır. Bu istehsal texnologiyası yarımkeçiricələr sahəsində hədd kimi tanınır.
TSMC Intel və Samsung Foundry kimi şirkətləri geridə qoyaraq yarımkeçirici bazarında olan liderliyini davam etdirir. Texnologiya nəhəngi indi dünyada bir ilkə imza ataraq 1 nm istehsal texnologiyasından istifadə etmək niyyətindədir. Təbii ki, belə bir texnologiyadan inkişaf etmək müasir avadanlıqlar və müasir fabrikə ehtiyac duyur. Məhz bütün bu sadalananları təmin etmək isə TSMC üçün milyardlarla dollar xərcə bərabər olacaq. TSMC indi 1 nm istehsal texnologiyası üçün hazırlıqlara başlasa da, biz 2030-cu ildən əvvəl 1 nm prosesində istehsal edilən çipləri görə bilməyəcəyik.
IEDM konfransında TSMC 2030-cu ilə qədər 1 nanometrlik nodu inkişaf etdirmək planlarını paylaşdı. Məlumatlara görə, şirkət çoxsaylı 3D çipsetlər vasitəsilə “1 trilyon tranzistor” əldə etməyi hədəfləyir. Bununla belə, 1nm texnologiyasına daxil olmaq TSMC üçün baha başa gələcək. Hesablamalara görə, 1nm istehsal texnologiyasının dəyəri 32 milyard dolları keçəcək. TSMC sadəcə 1nm prosesinə fokuslanmır və Tayvanda 2 nm istehsal texnologiyasından istifadə edən zavodlar açmağı da hədəfləyir.
