Toyota prezidenti Akio Toyoda-ya görə, “elektromobillər”-dən ibarət gələcək milyonlarla insanın avtomobil sənayesində işsiz qoya bilər.
Dünyanın bir çox avtomobil nəhəngləri tezliklə tam elektrikli avtomobillərə keçməyi hədəfləsələr də, bu mövzuda çox addım atmayan şirkətlər də var. Bunlardan bəlkə də ən məşhuru Yaponiyada yerləşən Toyota şirkətidir. Dünyanın ən böyük avtomobil istehsalçılarından biri olan şirkət həmişə deyirdi ki, tamamilə elektriklə işləyən avtomobillərə üstünlük verməyin mənası yoxdur. Buna görə də onun bZ4X adlı yalnız bir elektrik avtomobili var idi. İndi isə şirkətin yüksək səviyyəli rəhbərliyindən mövzu ilə bağlı açıqlama gəlib. Daxili yanma mühərriki ilə işləyən avtomobillərə qadağa qoyulmasının düzgün olmadığını daha əvvəl dəfələrlə söyləyən Toyota prezidenti Akio Toyoda, elektromobil satışlarının artmasının cəmiyyətə təsiri ilə bağlı proqnozlar verib.
Toyota prezidentinin fikrincə, bazarda yalnız elektromobillər satılması milyonlarla insan işsiz qoya bilər. Toyota rəhbərliyinin açıqlamaları Yaponiyaya xasdır. Ancaq nəzərə alsaq ki, bütün dünyada tam elektrik gələcəyi planlaşdırılır, bunu hər yerə aid etmək olar. Təbii ki, elektrikli avtomobillərin istehsalı üçün yeni iş imkanları yaranacaq, lakin Toyoda bunun üçün tək yanacaq növü ilə avtomobil istehsalının kifayət etməyəcəyini düşünür. Açıqlamada bildirilir ki, “Bu gün Yaponiyada avtomobil sənayesində 5,5 milyon insan çalışır. Onların arasında uzun müddətdir daxili yanma mühərrikləri sahəsində çalışanlar da var. Elektrikli nəqliyyat vasitələri təchizatçılar da daxil olmaqla sənayedə yeganə seçimə çevrilərsə, bu insanların işləri yox olacaq
