Təqdim edildiyi gündən etibarən milyonlarla istifadəçi sayına çatan TikTok platforması indi əldə etdiyi yeniliklər ilə YouTube rəqibi olur. Belə ki, TikTok platformasında hazırda videolar şaquli olaraq nümayiş edilir və bu video platforması daha çox Instagram reels və YouTube shorts formatındadır. Lakin indi TikTok platfomasında üfüqi video platforması istifadəyə veriləcək.
Şaquli video platforması TikTok təqdim edildikdən bəri milyonlarla istifadəçi tərəfindən hər gün fərqli formatda istifadə olunur. TikTok artıq istifadəçilərin daha çox üfüqi videolar çəkməsini istəyir və istifadəçiləri həvəsləndirir. Habelə, TikTok platformasına əlavə ediləcək üfüqi videoların müddəti də normalda olan videolardan daha uzun olacaq və bu da YouTube rəqibi olaraq adlandırmağımız üçün əsas səbəblərdən biridir.
Platformada məzmun yaradıcıların təşkil etdiyi sorğuya əsasən minlərlə istifadəçi də artıq TikTok-dan bir dəqiqədən uzun üfüqi videoların istifadəyə verilməsini istəyir. TikTok bildirir ki, yeni üfüqi video platforması istifadəyə verildikdən 72 saat ərzində minlərlə istifadəçi bu platformanı da gücləndirəcək. Qeyd edək ki, TikTok son aylarda “TikTok Shop” funksiyasını da istifadəyə verib. İndi TikTok Shop videolarda avtomatik işləyəcək və videolardakı obyektlər üçün platformada məhsullara keçidlər təmin ediləcək. Bütün bunlarla TikTok-un YouTube ilə rəqabəti daha da artacaq.
