Adətən şirkətlər ən son təqdim edilən əməliyyat sistemlərini bilən və onlarla işləməyi bacaran işçiləri daha çox ön plana çıxarsa da, bu dəfə əksinə olub. Belə ki, Alman dəmiryolu şirkəti qatarlarda sürücü ekranlarını dəstəkləmək üçün Windows 3.11 mütəxəssisləri axtarır. Habelə, dəmiryolu şirkət 30 illik Windows əməliyyat sistemində işləmək bacarığından əlavə olaraq da, MS-DOS təcrübəsi olan namizəd axtarışındadır. Bundan əlavə, şirkət 166 Mhz prosessorlu və 8MB ram-lı sistemlərə ehtiyac duyur.
Müasir dəmir yollarının hələ də belə köhnə sistemlərlə işləməsi qəribə görünə bilər. Belə ki, çox vacib sistemlər tez-tez “qırıq deyilsə, onu düzəltməyin” fəlsəfəsinə riayət edirlər. X sosial şəbəkəsində vakansiyanı paylaşan şirkət demək olar ki, almaniyadakı bütün dəmiryolu nişanlarına cavabdehdir. Habelə sistemlər köhnə olduğundan onları yenisi ilə əvəz etmək imkanı olmadığından şirkət belə bir həll yolu tapıb. Vakant vəzifə artıq doldurulub.
Şirkət bildirib ki, bu iş dəmiryolunun fəaliyyəti üçün mühüm əhəmiyyət kəsb edən köhnə sistemlərin saxlanmasına və canlandırılmasına imkan yaradır. Başqa sözlə, proqram təminatı yüksək sürətli və regional qatarların maşinist kabinəsindəki informasiya sisteminə cavabdehdir. Bu informasiya sistemi isə öz növbəsində sürücünü real vaxt rejimində əsas trafik məlumatları ilə təmin edir. Qeyd edək ki, Windows 3.1, Microsoft-un qrafik istifadəçi interfeysi və təhlükəsiz rejim şəbəkəsi ilə inteqrasiya olunmuş şəbəkəni təqdim edir. Şirkət bu əməliyyat sistemini 1992-ci ildə buraxmışdı. 2001-ci ildə isə bu əməliyyat sistemi üçün Microsoft öz dəstəyini dayandırdı.
