Son illərin ən populyar və eyni zamanda ən mübahisəli platforması olan TikTok uşaqları qoruya bilmədiyi üçün Avropada araşdırılır. Belə ki, TikTok Rəqəmsal Xidmətlər Qanununun (DSA) mümkün pozuntuları ilə bağlı araşdırmanın bir hissəsi olaraq böyük cərimə ilə üzləşə bilər. Avropada uşaqların məxfiliyini və təhlükəsizliyini qoruya bilmədiyi hesab edilən şirkət, tətbiqi qəsdən asılılıq yaratmağa çalışaraq istifadəçilərin psixi sağlamlığını riskə atmaqda da günahlandırılır.
Bu mövzuda ABŞ-da dəfələrlə ittiham olunan və araşdırılan TikTok alqoritmlərini bilərəkdən asılılıq yaradan və psixoloji problemlərə səbəb olan şəkildə tərtib edib iddiası ilə araşdırılır. Beləliklə TikTok uşaqları qoruya bilmədiyi üçün Avropada diqqət mərkəzinə gətirilib. Başlanılan araşdırmada yetkinlik yaşına çatmayanların, yəni uşaq istifadəçilərin məxfiliyinə və təhlükəsizliyinə diqqət yetiriləcəyi vurğulanıb. Avropa Komissiyası TikTok-un dizaynı və alqoritmlərinin asılılıq yaradan davranışa və zərərli məzmuna səbəb ola biləcəyi qənaətindədir. Ona görə də onların düzəldilməsi, mənfi cəhətlərinin aradan qaldırılması əsas məqsədlərdəndir.
Komissiyanın bəyanatlarından başa düşüldüyü kimi, TikTok standart məxfilik parametrləri ilə bağlı yetkinlik yaşına çatmayanlar üçün yüksək səviyyədə məxfilik, təhlükəsizlik təmin etməyə məcbur olacaq. Həmçinin, oxşar addımlar Instagram və Facebook üçün də atılıb. Bundan əlavə, yetkinlik yaşına çatmayanların uyğun olmayan məzmuna daxil olmasının qarşısını alacaq yaş yoxlama vasitələri də həll olunacaq məsələlər arasındadır.
