Elon Musk-a məxsus olan məşhur elektromobil istehsalçısı olan Tesla, Hindistan mərkəzli batareya istehsalçısı olan Tesla Power şirkətini məhkəməyə verib. Qeyd edək ki, elektromobil nəhəngi Hindistan şirkətinin “Tesla Power” adından istifadəni mümkün qədər tez dayandırmasını istəyir.
Hətta Elon Musk bu addan istifadə etməməsi üçün Hindistanın Tesla Power şirkətini məhkəməyə verib. Reuters-in verdiyi xəbərə görə Tesla, 2022-ci ildə etdiyi xəbərdarlığa baxmayaraq, Hindistan şirkətinin “Tesla Power” adından istifadə edərək məhsullarını reklam etməyə davam etdiyini və bunu dərhal dayandırmasını istədiyini bildirir. Məhkəmədə ona qarşı iddia qaldırılan Hindistan şirkəti isə Tesla-dan xeyli əvvəl qurulduğunu bildirir və batareya istehsalı ilə məşğul olduğunu eləcə də elektromobillər ilə heç bir əlaqəsinin olmadığını iddia edir.
Dehli Ali Məhkəməsi Hindistan şirkətinə müdafiəsini hazırlamaq üçün 3 həftə vaxt verib. Tesla həmçinin bildirir ki, Hindistan şirkətinin Delawerdəki qərargahını göstərən Tesla Power USA adlı internet saytı var. Yeri gəlmişkən, xatırladaq ki, Tesla Delawerdə qeydiyyatdan keçib, çünki o, bəzi üstünlüklər, xüsusən də vergilər təklif edir. Tesla Power nümayəndəsi Reuters-ə bildirib ki, onlar Hindistanda Tesla-dan xeyli əvvəl fəaliyyətə başlayıblar və bütün rəsmi icazələrə malik olublar. Manoj Pahwa adlı bir məmur “Biz heç vaxt Elon Muskın Tesla şirkəti ilə əlaqəli olduğumuzu iddia etməmişik” deyə açıqlama edib.
