Avtomobil və texnologiya sahəsinin iki nəhəngi Tesla və Samsung şirkətləri yeni əməkdaşlıq müzakirəsi üçün görüşüblər. Belə ki, Samsung Electronics şirkətinin baş direktoru Jay Y. Lee ötən gün Tesla şirkətinin baş icraçı direktoru və qurucusu Elon Musk ilə görüşüb. Hər iki nəhəng şirkətin yeni əməkdaşlıqlarını müzakirə etmək üçün görüşdüyü iddia olunur. Görünən odur ki, Elon Musk yeni planlarını həyata keçirmək üçün Samsung şirkəti ilə əməkdaşlıq edəcək. Qeyd edək ki, Tesla ilə Samsung şirkəti uzunmüddətdir ki, danışıqlar aparsa da, şirkət rəhbərləri ilk dəfə xüsusi olaraq görüş keçirib.
Tesla və Samsung şirkətləri yeni əməkdaşlıq müzakirəsi üçün Samsung-un silikon vadisindəki tədqiqat mərkəzində görüşüb. Görüş zamanı şirkət rəhbərləri və idarə heyəti müzakirələr edib. Belə ki, bu müzakirələr əsasən informasiya texnologiyaları ilə bağlı olub. Daha doğrusu avtonom avtomobillər üçün çiplər barəsində müzakirələr edilib. Bu görüş hər iki şirkətin əməkdaşlıq etmək ehtimalını ciddi şəkildə artırıb. Görünən odur ki, 2028-ci ilə qədər 700 milyard dollar dəyərə çatması gözlənilən avtomobil çipləri bazarına Samsung və Tesla şirkəti birlikdə giriş etməyi planlayır. Bununla bağlı Samsung şirkəti Microsoft və Google ilə də danışıqlar aparır.
Ümumiyyətlə Samsung şirkəti uzunmüddətdir ki, avtomobil avadanlığı üzərində işləyir. Texnologiya nəhəngi avtomobil sahəsində də uğur əldə etmək istəyir. Bununla bağlı şirkət ötən il ADAS və IVI kimi müasir xüsusiyyətlərə sahib olan yadddaş çiplərini təqdim etmişdi. Bundan əlavə isə Samsung avtomobillər üçün süni intellekt nəzarətçisi funksiyasını həyata keçirəcək 5nm çipləri hazırlamaq üçün Ambarella şirkəti ilə əməkdaşlıq edir. Nəhayət Tesla və Samsung şirkəti öz gəlirlərini artırmaq və bazarda lider olmaq üçün əməkdaşlıq edəcək.
