The International Meetup: Uğurlu təsisçiləri, İnvestisiya mütəxəssisləri və top startaplar Azərbaycanda bir araya gələcək!
Startup Grind Baku, qürurla Azərbaycanda uğurlu startapların təsisçiləri, investisiya ekspertləri və ən yeni startapları bir araya gətirəcək beynəlxalq tədbirini elan edir. Belə ki, 18 may 2023-cü il tarixində Nizami Kinoteatrında keçiriləcək “The International Meetup” üçün 1 həftə qaldı. Bu tədbir təşəbbüskar sahibkarları əlaqələndirmək, ən yaxşı ekspertlər üçün öz şəbəkələrini qurmaq və uğurlu startaplar yaratmaqda real təcrübələr öyrənmək imkanı vəd edəcək. Tədbir beynəlxalq auditoriyaya təşəbbüsləri nümayiş etdirəcək və bütün iştirakçılar üçün unikal imkanları təqdim edəcək.
The International Meetup tədbirində 400-dən çox iştirakçının, o cümlədən 50-dən çox beynəlxalq qonaq, 30 startap və 12 spikerin olacağı gözlənilir. Proqramda məşhurların çıxışları, yeni trendlər, panel sessiyaları, şəbəkələşmə seminarları və qısa söhbətlər yer alacaq. Tədbirin əsas hissəsi müraciətlər əsasında seçilmiş 30 finalçı startapın çıxışı ilə, mükafat uğrunda mübarizə aparacaqları Startup Battle olacaq. 3 qalib 2023-cü ilin sentyabrında Techcrunch Disrupt üçün ABŞ Roadshow-a bilet, həmçinin tədbirin sponsorlarından hədiyyələr və məsləhətlər alacaq.
Startup Grind Baku təşkilatçıları qeyd edirlər:
- “Biz ən yaxşı startapları, investorları və ekspertləri uğurlu bizneslərin qurulması ilə bağlı təcrübələrini və fikirlərini bölüşmək üçün bir araya gətirməkdən məmnunuq. Məqsədimiz Azərbaycanda startap ekosistemini inkişaf etdirmək və sahibkarları inkişaf etdirmək üçün lazım olan resurslar və dəstək ilə əlaqələndirməkdir”
Beynəlxalq Görüşün sponsorları və tərəfdaşları arasında İnnovasiya və Rəqəmsal İnkişaf Agentliyi, PASHA Holding, Elcore, Caspian Event Organisers, Sabah.lab, Nizami Kino Mərkəzi və Tedroid Media, AGILE Platform, Davam Gənclər Hərəkatı, AIESEC, OdlarYurdu Universiteti, INNOLAND, Elcore IT-Distrution, Enactus Azerbaijan və GROW lab şirkətləri vardır. The International Meetup haqqında ətraflı məlumat almaq və agenda ilə tanış olmaq üçün “imbaku.com” saytına daxil ola bilərsiniz.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
