Dünyanın müxtəlif bazarlarında elektromobil satışlarına görə liderlik edən Tesla ABŞ-da avtopilot probleminə görə 2 milyondan çox elektromobili geri çağırır. Ümumiyyətlə Tesla elektromobillərinin avtopilot sistemi bəzi istifadəçilər tərəfindən çox bəyənilsə də, bəzi istifadəçilər üçün mübahisə mövzusudur. Hətta bu il Tesla elektromobilləri avtopilota görə bir çox qəzalara səbəb olub. Hətta Geri çağırma proqramı Milli Avtomobil Yolları Hərəkətinin Təhlükəsizliyi İdarəsi (NHTSA) Avtopilot funksiyası ilə bağlı təxminən 956 qəzanı araşdırdıqdan sonra başladılıb.
Görünən odur ki, NHTSA Tesla şirkətini avtopilota görə nəzərdən keçirir. Qeyd edək ki, NHTSA-nın dərc etdiyi yazıya görə ümumilikdə 2 031 220 elektromobil geri çağırılacaq. Bununla da deyə bilərik ki, ABŞ yollarında olan demək olar ki, bütün elektromobillər geri çağırılıb. Hətta bu elektomobillərə aşağıdakılar aiddir:
- Tesla Model S 2012-2023
- Tesla Model X 2016-2023
- Tesla Model 3 2017-2023
- Tesla Model Y 2020-2023
Tesla şirkəti pulsuz proqram təminatı yenilənməsi ilə uzaqdan bu problemi həll etmək üçün Milli Avtomobil Yolları Hərəkətinin Təhlükəsizliyi İdarəsi ilə razılaşıb. İki illik araşdırmanın sonunda ABŞ-ın Avtomobil Yolları Hərəkətinin Təhlükəsizliyi üzrə Milli İdarəsi (NHTSA) bildirdi ki, Tesla avtomobillərində avtopilot işə salındıqda, sürücü avtomobilin istifadəsi üçün məsuliyyət daşımasa, toqquşma riski arta bilər. NHTSA-ya görə elektromobil sürücünü avtopilot rejimində öhdəliklərini yerinə yetirməsinə görə yola diqqət yetirməyə təşviq etməlidir.
