PCGamesN və SteamIDFinder tərəfindən aparılan qeyri-elmi birgə araşdırmaya görə, Steam istifadəçiləri heç vaxt oynamadıqları oyunlara 19 milyard dollar xərcləyiblər. Ümumiyyətlə, Steam platforması istifadəçilərə əksər hallarda təklif etdiyi endirimlər ilə məşhurdur. Məhz bu endirimlər sırasında istifadəçilər gələcəkdə oynaya biləcəkləri oyunları daha sərfəli qiymətə əldə edirlər.
![Steam istifadəçiləri](https://tedroid.com/media/2024/06/steam-istifadecileri-19-mlrd-dollar.jpeg)
Maraqlısı budur ki, Steam istifadəçiləri bu kompaniyalardan istifadə edərək heç vaxt oynamadıqları oyunlara görə 19 milyard dollar xərcləyib. PCGamesN və SteamIDFinder, bildirib ki, təxminən hər steam istifadəçisinin oyun kitabxanasında çox sərfəli olduğu və heç vaxt oynamadığı bir və ya bir neçə oyun var. “Dünyada qeydə alınmış bütün Steam hesablarının yalnız 10 faizi və ya SteamIDFinder verilənlər bazasında təxminən 73 milyon hesab açıqdır. Bu hesablardan əldə edilən məlumatlara əsasən, biz hesabladıq ki, təqribən 1,9 milyard dollar dəyərində toplu olaraq alınmış və sonradan bir dəfə də oynanılmamış oyunlar var. Biz bunu 10-a vurduq ki, bütün qeyri-ictimai Steam profillərini hesablayaq.” deyə PCGamesN bildirib.
Bundan əlavə, PCGamesN bildirib ki, 19 milyard dollar Nikaraqua, Niger, Çad və ya Mavrikiyanın ümumi milli məhsulundan çoxdur. Xatırladaq ki, ötən günlərdə oyun nəhəngi Steam 14 milyon oyunçunu aldatmaqda ittiham olunmuşdu. Böyük Britaniyada baş verən məhkəmədə Valve şirkəti 656 milyon funt-sterlinq dəyərində iddia ilə üzləşib. Steam platformasının sahibi olan Valve, İngiltərədə 14 milyon insandan əlavə pul almaq üçün bazardakı hökmranlığından istifadə etməkdə ittiham olunur. Məhkəmə iddiası qaldıran rəqəmsal hüquq müdafiəçisi Vicki Shotbolt, “Valve bazarı saxtalaşdırır və İngiltərə oyunçularından istifadə edir” deyə bildirib. Londondakı Rəqabət Apellyasiya Məhkəməsinə təqdim edilən iddiada Valve kompüter oyun bazarında rəqabətə mane olmaqda günahlandırılır.