Peyk interneti anlayışını bizimlə tanış edən və bir o qədər də vacib xidmətlərdən birinə çevrilən Starlink peyk interneti əslində, tam mükəmməl deyil. Məsələn, müsbət tərəflərinə baxsaq hansısa mənbəyə bağlı kabelə ehtiyac olmadan mobil istifadə üçün peyk interneti olduqca yararlıdır. Hətta insan və ya yük daşınması ilə məşğul şirkətlər hərəkətdə olarkən internetin təminində yavaş-yavaş Starlink peyk interneti kimi servislərə yönəlməyə başlayıblar. Lakin Starlink başda olmaqla peyk interneti xidmətləri getdikcə daha bahalı və bir o qədər də yavaş olduğu üçün istifadəçilərin şikayət obyektinə çevrilib.
Starlink peyk internetinin aylığı 110$ səviyyələrində olmasına baxmayaraq SpaceX aylıq trafik limiti gətirir
Bəli, əgər bilmirsinizsə normal istifadəçi üçün peyk internetinin aylıq ödənişi 110 dollar təşkil edir. Üstəlik internetə qoşulma avadanlığını da almasanız peyk internetindən istifadə edə bilməzsiniz. Bunun üçün də ayrıca olaraq 600 dollar ödəmək lazımdır. Bu zamanda ala biləcəyiniz maksimum sürət təqribən 250 Mb/sn təşkil etməlidir. Lakin bunun qarşılığında istifadəçi sayının artması və peyklərin mövcud olduğu yerdən aslı olaraq sürətə təsiri real rəqəmləri 20-100 Mb/sn səviyyələrinə qədər endirib. Nəticədə istifadəçilərin Starlink peyk internetinin bahalı olduğu şikayətlərini anlamaq olur.
Bu vaxta qədər bu xidmətin qiyməti və sürəti mobilliyi qarşılığında çox da ciddi problemə çevrilməyib. Amma ötən günlərdə aylıq istifadə limitinin gətirilməsi işləri biraz dəyişdirib. Belə ki, SpaceX şirkəti aylıq istifadə limiti gətirdikdən sonra hamı üçün 1TB trafik təyin olunub. Trafik isə səhər 7:00 və axşam 23:00 arasında tətbiq ediləcək ki, bu saatlar ərzində 1TB-dan çox data istifadə edən istifadəçilərin sürəti daha da aşağı salınacaq.
Sürət limitini aşmaq üçün isə əlavə ödəniş tələb olunacaq. Ödəniş isə hər 1GB üçün 0,25 dollar təşkil edəcək. Statistik nəticələrə görə istifadəçilərin təqribi 10%-lik hissəsi hər ay bu limiti keçirmiş. Limiti keçən şəxslər isə xüsusilə işi tez-tez fayl transferinə bağlı olan şəxslərdir. İstifadəçilərin fikrincə verilən belə sürət həddindən artıq çox olmadığı üçün abunəlik qiyməti nəzərən bu addım olduqca yanlışdır. Bəs siz nə düşünürsünüz? Ölkəmizdə də 2023-cü ildən istifadəyə veriləcək Starlink xidmətindən istifadə edəcəksiniz?
