Dünyanın ən böyük musiqi axını platforması Spotify, 2017-ci ildən bəri gözlənilən itkisiz səs keyfiyyətini (gələcəyini deyirdi. Nəhayət indi 24 bit/44.1 kHz FLAC formatı aktiv edilib. Bunun sayəsində Premium abunəçilər, musiqini sənətçilərin studiyada yaratdığı orijinal keyfiyyətdə dinləmə imkanı əldə edəcəklər.
Bu yenilik, musiqi dinləmə təcrübəsini tamamilə yeni bir səviyyəyə qaldırır. Lossless formatı musiqinin ən xırda detallarını, dinamik aralığını və dərinliyini qoruyaraq, səsin daha canlı və təmiz olmasını təmin edir. Şirkətin bəyanatına görə, bu funksiya əlavə bir ödəniş tələb etmədən Premium abunəçilər üçün tədricən aktivləşdirilir.
Oktyabr ayına qədər 50-dən çox bazarda mərhələli şəkildə təqdim ediləcək bu xüsusiyyət, artıq Avstraliya, Avstriya, Çexiya, Danimarka, Almaniya, Yaponiya, Yeni Zelandiya, Hollandiya, Portuqaliya, İsveç, ABŞ və Böyük Britaniyadakı Premium abunəçilər üçün əlçatandır.
