Oyun konsolu dedikdə ağlımıza ilk gələn PlayStation olur. Belə ki, iddialara görə Sony İngiltərədəki PlayStation istifadəçilərindən oyunlar üçün yüksək məbləğdə ödəniş tələb edir. Rəqabət qanununu pozduğu bildirildiyinə görə texnologiya nəhənglərindən olan PlayStation 9 milyon istifadəçi üçün 6 milyard dollar dəyərində təzminat ödəməyə məcbur qala bilər.
İstehlakçı hüquqları müdafiəçisi Alex Neill-in iddialarına görə, Sony PlayStation Store-da edilən hər alış üçün müəyyən məbləğdə komissiya haqqı tələb etməklə rəqabət qanununu pozub. Nəhəng şirkət İngiltərədə qanunları pozduğu, oyun tərtibatçılarına ədalətsiz şərtlər qoyduğu üçün açılan məhkəmə iddiası nəticəsində haqsız görülərsə, istifadəçilərə milyardlarla dollar ödəməli ola bilər.
Playstation rəqabət qanununu necə pozub?
Xəbərlərə görə, Sony 19 avqust 2016-cı il tarixindən Böyük Britaniyada PlayStation Store üzərindən oyun və ya DLC alışlarında 30% komissiya tələb edir. Təxminən 9 milyon istifadəçini əhatə etdiyi deyilən bu vəziyyət Sony-nin “fərqində olmadan” 6 milyard dollara qədər həddindən artıq ödəniş almasına səbəb olub. Adambaşına düşən təxmini zərərin 78-660 dollar arasında dəyişdiyi bildirilir. Yəni, əgər məhkəmənin qərarı istifadəçilərin xeyrinə olarsa, PlayStation insanlara 78-660 dollar arasında təzminat ödəməli olacaq. Bu isə Sony şirkətinin ümumilikdə təqribi 6 milyard dollar təzminat ödəməsi deməkdir.
Mübahisəli məsələni öz üzərinə götürən istehlakçı hüquqları müdafiəçisi Alex Neill bildirib ki, iddiada güclü tərəf alıcılar və Sony servislərini istifadə edənlərdir. Sony şirkətinin sui-istifadə etdiyi fikrinə qatılanlar, əlavə olaraq məhkəməyə müraciət ediblər.
Alex Neill eyni zamanda qeyd edib ki, 19 avqust 2016-cı ildən etibarən konsol sahibi olan, PlayStation oyunları və DLC almış bütün istifadəçilər öz haqqını tələb etmək hüququna sahibdir. Neill də həmçinin başlayacaq məhkəmə prosesinin bir neçə il davam edə biləcəyini bildirir. Xüsusilə, Sony bu iddiaları rədd edərsə istifadəçilər daha çox gözləməli olacaqlar. Bundan başqa Alex Neill bildirib ki, istehsalçıların sayını və onlardan alınan yüksək məbləği nəzərə alaraq Sony şirkətinin “güzəştə gedəcəyini” düşünürük.
Bu mövzu barədə siz nə düşünürsünüz? Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
