Samsung şirkəti gələcək illərdə təqdim edəcəyi flaqman cihazlarda da, Qualcomm çipsetləri istifadə edəcək. Belə ki, cənubi koreyalı texnologiya nəhəngi Qualcomm şirkəti ilə çoxillik müqaviləsini uzadıb. Yəni, Galaxy S25, Galaxy S26 seriyasında flaqman Qualcomm çipsetləri ilə qarşmızıda olacaq. Ümumiyyətlə texnologiya nəhəngi uzun müddətdir ki, Qualcomm şirkətinin flaqman çipsetlərindən istifadə edir və görünən odur ki, şirkət bu çipsetlərin performansından razıdır.
Qeyd edək ki, Samsung hazırkı yeni nəsil flaqman smartfonlarında Exynos çipsetlərindən də istifadə edir. Belə ki, şirkət Galaxy S23 seriyasının flaqman cihazı Galaxy S23 Ultra-da sadəcə snapdragon çipseti seçimi ilə qarşımıza çıxsa da, ötən günlərdə təqdim etdiyi Galaxy S24 seriyasında bu vəziyyət biraz fərqli oldu. Samsung ənənəvi olaraq smartfonlarını həm Exynos, həm də Snapdragon çipsetləri ilə satışa çıxardı. Görünən odur ki, Samsung şirkəti Qualcomm ilə bağladığı çoxillik müqavilə çərçivəsində bunu bir müddət davam etdirəcək.
Qualcomm bildirib ki, “Biz həmçinin 2024-cü ildən başlayaraq flaqman Galaxy smartfonlarının buraxılması üçün Snapdragon platformaları üçün Samsung ilə çoxillik müqaviləmizin uzadılmasını elan edirik. Uzadılmış müqavilə Snapdragon 8-in dəyərini, texnoloji liderliyimizi və Samsung ilə uğurlu uzunmüddətli strateji tərəfdaşlığımızı nümayiş etdirir”.
