“Fintech” sahəsində mütəmadi olaraq diqqət çəkən yeniliklərə imza atan Samsung bu həllərə daha birini əlavə edib. Belə ki, Samsung artan təhlükəsizlik risklərini nəzərə alaraq yeni barmaq izi skanerinə sahib olan ödəniş kartlarını təqdim etmişdi. Həmin texnologiya Biometric Card IC adı verən şirkət debet və kredit kartları üçün mükəmməl təhlükəsizlik təklif edirdi. İndi isə bunu tamamilə fərqli səviyyəyə çıxaran şirkət fiziki olaraq izlənə bilən bank kartını anons edib.
Yeni “Samsung American Express” bank kartı müştərilərə texnoloji nəhəngin SmartThings Find IoT platforması vasitəsilə fiziki yerlərini izləməyə imkan verir. Samsung, KB Kookmin Card və AmEx ilə birlikdə quraşdırılmış SmartThings Find texnologiyası ilə IoT imkanlarına sahib bu kart üçün əməkdaşlıq edir.
İstifadəçilər Samsung-un izlənə bilən kartı modelini öz Galaxy smartfonlarına qoşaraq onun yerini Bluetooth Low Energy texnologiyası vasitəsilə ölkə daxilində və ya xaricdə belə öyrənə, bildiriş ala bilirlər. Samsung, xüsusilə pul kisəsi itirildikdə və ya oğurlandıqda kartın istifadəçilərə kömək edəcəyini düşünür. Digər bir tərəfdən bu, karta bağlı itirilmiş telefonu tapmağa da kömək edəcək. Bənzər texnologiya bu gün AirTag və ya SmartTag tərəfindən də ayrıca bir cihazda istifadə olunur.
