Hər il olduğu kimi, bu il də Samsung öz uğurlarını yeniləyərək dünyanın ilk LPCAMM yaddaşını elan edib. Belə ki, texnologiya nəhəngi indi daha az enerji istehlak edən və daha kiçik ölçüyə malik yaddaş modullarını təqdim edib. Bəli söhbət yeni LPCAMM yaddaş modullarından gedir. Bir çox analitik yeni texnologiyanın notbuk sahəsində inqilabi yenilik olduğunu düşünür. Çünki bu texnologiya istehsalçılara daha kiçik həcmli və daha performanslı yaddaş modullarından istifadə etməyə imkan verir. Təbii ki, noutbuk istehsalçıları üçün 1 sm boş yer belə çox böyük önəm daşıdığı üçün yeni texnologiya onlar üçün çox fürsətlər yaradacaq.
Beləliklə Samsung brendinin elan etdiyi yeni LPCAMM yaddaşı standart yaddaş modullarından daha kiçik, daha sürətli və daha səmərəlidir. Texnologiya nəhəngi iddia edir ki, yeni LPDDR5X-6400 yaddaş modulları saniyədə 7.5 giqabitə qədər sürətə malikdir. Maraqlısı budur ki, bu göstərici normal yaddaş modullarından təxminən 50% daha çoxdur və eyni zamanda 60% daha az yer tutur. Bir sözlə deyə bilərik ki, bundan sonra noutbuklarda LPCAMM inqilabı meydana gələcək. Həmçinin Samsung brendi LPCAMM yəni Low Power Compression Attached Memory Module yaddaş modullarını gələn il 32-64-128GB olmaqla təklif edəcək.
Texnologiya nəhəngi yeni LPCAMM yaddaş modullarının Intel prosessorları ilə uyğunluğunu təsdiqləsə də, hələlik AMD, Qualcomm və ya Apple brendlərinin prosessor və çipsetləri ilə uyğun olub-olmadığı məlum deyil. Analitiklərə görə, şirkət hazırda yeni yaddaş modullarını bu prosessor və çipsetlərdə sınaqdan keçirir və yaxın zamanda nəticəni paylaşacaq. O cümlədən yaxın dövrlərdə yeni texnologiyanın bütün noutbuklarda istifadə olunacağı qaçınılmazdır.
