Canalys statistikası göstərir ki, qiyməti 600 dollardan çox olan smartfonların qlobal bazarında Samsung hələ də ikinci yerdədir və 21% paya malikdir. Bununla belə, adı çəkilən bazarda liderlik 63%-lik pay ilə Apple şirkətinə məxsusdur. Hətta 8% paya sahib olan Huawei-də getdikcə populyarlaşan texnologiyaları sayəsində Samsung-u geriyə doğru çəkməyə başlayıb. Ümumiyyətlə, Samsung çipsetlərinin populyarlığı rəqiblərinə nəzərən daha aşağı olduğu üçün mənfəət itirir.
“The Chosun Daily”yə müsahibə verən mənbələr bu qənaətə gəliblər. Huawei-nin noyabrın sonunda təqdim etdiyi Mate 70 seriyalı smartfonlarında öz dizaynı olan 6nm HiSilicon prosessorlarından istifadə edəcəyi düşünülür. HarmonyOS Next əməliyyat sisteminə keçid həm də Huawei-nin üçüncü tərəf proqram təminatından uzaqlaşmasından xəbər verir ki, bu da ona yeni məhsulların qiymətini sələfləri ilə müqayisədə 20 faizdən çox azaltmağa imkan verir. Digər tərəfdən, Apple, inflyasiya olmasına baxmayaraq cihazlarının qiymətlərini əhəmiyyətli dərəcədə artırmaqdan çəkinib. Samsung Galaxy S24-ün əsas modellərinin qiymətlərini sələfləri ilə müqayisədə saxlaya bilib, lakin flaqman Galaxy S24 Ultra modelinin qiyməti bu smartfonun komponentləri ucuz olmadığı 8.3% bahalaşmalı olub.
Samsung-un öz Exynos prosessorları şirkət daxilində mövcuddur, lakin şayiələr onu göstərir ki, şirkət gələn ilin əvvəlində satışa çıxarılacaq Galaxy S25 ailəsini Qualcomm prosessorları ilə təchiz etmək niyyətindədir. Təchizatçı qiymətləri qaldırır, bu, Samsung-un xərclərinə təsir edir, lakin rəqabət səbəbindən şirkət öz smartfonlarının qiymətini proporsional şəkildə artıra bilmir, ona görə də Koreya şirkətinin mənfəəti aşağı düşür. Üçüncü rübdə “Samsung”un mobil bölməsi bir il əvvəlin eyni dövrü ilə müqayisədə gəlirlərini 1,7 faiz artırsa da, əməliyyat mənfəəti 14,5 faiz azalıb. BeləliklƏ, Samsung öz çipsetlərinin populyarlığı aşağı olduğu üçün qazanc itirir. Hətta Counterpoint Research hesab edir ki, bu ilin ikinci rübündə smartfon bazarında əməliyyat mənfəətinin 85%-i Apple-ın payına düşüb, Samsung isə cəmi 12%-ni təşkil edib.
