Xatırlayırsınızsa bir müddət əvvəl Oppo və OnePlus brendlərinin Almaniyada rəsmi satışlarına qadağa qoyulduğunu bildirmişdik. Bunun səbəbi isə hamımızın yaxından tanıdığı Nokia şirkətinin mühim bir məhkəmə prosesində qalib gəlməsi idi. Əgər mövzudan xəbərdar deyilsinizsə, gəlin ilk öncə yaranmış vəziyyəti sizə izah edək. Tam olaraq 1 ay əvvəl Nokia şirkəti 14 fərqli patent üzrə çətinlik yaşaması səbəbi ilə Oppo şirkətini məhkəməyə verdi. Yaşanan çətinliklər isə, Nokia tərəfindən 129 milyard dollar xərclənən 5G infrastrukturu ilə bağlıdır. Nokia şirkəti smartfon sektorunda olmasa da bağlantı texnologiyaları cəhətdən bazarda qabaqcıl rola malikdir. Nəticədə Oppo şirkəti Almaniya daxilində 5 fərqli məhkəmədə davam edən məhkəmə prosesini qazana bilməyərək ölkədə satışlarını dayandırmaqla qarşı-qarşıya qalmışdı.
1 aylıq danışıqlar öz həllini tapmayıb və Oppo şirkəti Almaniya satışlarını alternativ üsulla bərpa edə bilər
Oppo smartfonları və şirkətin alt brendinə çevrilən OnePlus cihazları lisenziya haqqı ödənilməyərək işlədilən 5G patentlərinin əziyyətini çəkir. 2018-ci ildə Oppo, Nokia şirkətinə lisenziya haqqı ödəməyi qəbul etmişdi. Lakin irəliləyən illərdə bu lisenziya qüvvədən düşdü. Daha sonra isə şirkətlər arasında danışıqlar pozuldu və Oppo lisenziya haqqını ödəməkdən imtina etdi. Son məhkəmə prosesinin nəticələri ilə razılaşmayan Oppo və OnePlus brendləri isə 1 aylıq müddətin sonunda heç bir müsbət yol qət edə bilməyərək Almaniya bazarında satışları tamamilə dayandırıb.
Nokia firması yalnız yüksək komissiya haqqı ödənəcəyi təqdirdə mübahisəli məsələnin həll ola biləcəyini bildirir. Həmin “yüksək komissiya haqqı” isə Oppo tərəfindən qəbul edilmir. Brendlərin Almaniyadakı bazar payı onsuzda 5%-dən azdır. Ona görə həmin yüksək komissiya haqqını ödəməkdənsə elə Almaniya bazarında satışları dayandırmaq Oppo şirkəti üçün daha məqsədəuyğundur.
Oppo və OnePlus Almaniya mağazalarında artıq heç bir smartfon və ya ağıllı saat və.s satışı görmək mümkün deyil. Oppo bildirir ki, satışları dayandırsaq da proqram təminatı cəhətdən smartfonlara dəstək verəcəyik. Eyni zamanda brendlərin rəsmi servisləri də ölkədə öz fəaliyyətlini naməlum vaxta qədər davam etdirəcək.
Yaranmış vəziyyət Oppo şirkətinin ölkədən ayrılmasını yox, satışlarını dayandırmasını məcbur edir. Nəticədə şirkət ölkəni tərk etmək məcburiyyətində deyil. Ehtimal edilir ki, smartfon satışı üçün alternativ üsul artıq seçilib. Oppo öz məhsullarını üçüncü tərəf mağazaların satış kanallarına yönəldəcək. Beləliklə, satışlar axsamayacaq və Oppo komissiya haqqı ödəməkdən azad olacaq.
