OpenAI ChatGPT üçün reklam araşdırmağa başlayıb. Belə ki, süni intellekt nəhəngi indi ChatGPT-nin pulsuz versiyasından istifadə edənlərə reklam göstərməyi düşünür.
OpenAI ChatGPT-nin əməliyyat xərclərini ödəmək üçün platformaya reklam əlavə etməyi düşünür. OpenAI-nin Maliyyə Direktoru Sarah Friarın müsahibəsində paylaşılan bu məlumat, süni intellekt dünyasında ilk dəfə olaraq reklamların göstəriləcəyini ortaya çıxarıb. OpenAI-nin reklam strategiyası çox güman ki, pulsuz ChatGPT istifadəçilərini hədəf alacaq. Hazırda API abunələri və ChatGPT Plus xidməti vasitəsilə gəlir əldə edən şirkət pulsuz istifadəçilərinə reklam göstərməyə başlayaraq əlavə gəlir mənbəyi yaratmaq niyyətindədir.
Hələlik konkret reklam planı olmasa da, Friar, gələcəkdə reklamların qaçılmaz olduğunu bildirib. Onun sözlərinə görə, reklamlar platformaya inteqrasiya olunarsa, onların yerləşdirilməsi diqqətlə planlaşdırılacaq. Şirkətin Baş Məhsul Direktoru Kevin Weil-in Instagram təcrübəsi və bu yaxınlarda Google-un axtarış reklamları qrupundan Shivakumar Venkataraman OpenAI-yə qatılması əslində reklam hazırlıqları barədə əvvəlcədən xəbər verir. Friar bildirib ki, reklama müraciət etməzdən əvvəl alternativ maliyyələşdirmə strategiyaları nəzərdən keçirilib. Bu addım əslində texnologiya şirkətlərinin pulsuz xidmətlərindən pul qazanmaq üçün yeni yollar axtardıqlarını göstərir. Süni intellekt texnologiyası ilə bağlı artan xərcləri nəzərə alsaq, reklam ChatGPT-nin davamlılığı üçün vacib ola bilər.
