OnePlus şirkətinin qurucu ortaqlarından olan Carl Pei ötən illərdə qısa zaman ərzində məşhurlaşan Nothing brendini qurmuşdu. Carl Pei-nin OnePlus şirkətindən ayrılması smartfon sənayesində böyük təsir yaratmışdı. Lakin Carl öz brendinə OnePlus-un yolu ilə davam etdi. Qısa zamanda şirkət milyonlarla sərmaye topladı. Daha sonra isə brend ilk modeli olan nothing phone(1) smartfonunu təqdim etdi. Brendin yeni modeli bazarda böyük maraqla qarşılanmışdı. Daha sonra isə brend nothing ear(1) qulaqlığını təqdim etmişdi. Ümumiyyətlə yeni şirkət bazarda OnePlus sehrini canlandırırdı. İndi isə Carl OnePlus şirkətinin proqram təminatı komandası ilə razılığa gələrk Nothing şirkətinə dəvət edib. Bununla da yaxın vaxtlarda təqdim edilməsi gözlənilən nothing phone(2) modelinin proqram təminatının təkmilləşdiriləcəyi məlum olub.
Ümumiyyətlə OnePlus şirkətinin proqram təminatı komandası Nothing şirkətində işləyərsə, yeni yaranmış şirkət gələcəkdə möhtəşəm uğurlar əldə edə bilər. Çünki, OnePlus şirkəti smartfon bazarında ən stabil və ən güclü proqram təminatı hazırlayan şirkətlərdən biridir. Artıq Nothing smartfonları da eyni səviyyədə proqram təminatına sahib ola bilər. Carl Pei Nothing şirkətini qurarkən həmçinin OnePlus ruhunu da bərabərində gətirib. İnverse mənbəsi bildirir ki, Nothing şirkətinin proqram təminatı komandasının 70%-i OnePlus şirkətinin keçmiş işçiləridir. Hətta OnePlus şirkətinin keçmiş marketinq rəhbəri Kyle Kiang hazırda Nothing şirkətinə qoşulub və nothing phone 2 modelinin təqdimatına rəhbərlik edir.
Görünən odur ki, OnePlus şirkətinin keçmiş işçilərindən ibarət Nothing komandası yeni smartfon üzərində fokuslanıb. Hələlik şirkətin yeni smartfon modeli haqqında məlumat az olsa da, onun bu yay təqdim ediləcəyi dəqiqləşdirilib. Özünəməxsus tərzi olan Nothing brendinin yeni modelində OnePlus ruhunu hiss etmək mümkün olacaq. Lakin insayderlər bildirir ki, şirkətin proqram təminatı komandası Nothing OS sisteminini daha fərqli etməyə çalışır. Bu fərqliliyin hansı yerlərdə hansı səviyyədə olacağı isə hələlik məlum deyil.
