Nvidia Steam Hardware Survey-ə görə ən populyar olduğu ortaya çıxan qrafik kartının istehsalını dayandırmağa qərar verib. Belə ki, texnologiya nəhəngi RTX 3060 seriyalı qrafik kartının istehsalını dayandırmaq niyyətindədir. Beləliklə, qrafik kart 3 illik fəaliyyətindən sonra şirkətin istehsal xəttindən çıxarılır.
Bildiyimiz kimi, Valve bu yaxınlarda Proqram və Təchizat Tədqiqatının nəticələrini açıqlamışdı. Belə ki, 2024-cü ilin iyul sorğusuna əsasən, RTX 3060 Steam-də ən populyar qrafik kartı olmuşdu. Bu isə o deməkdir ki, oyunçuların əksəriyyəti hələ də RTX 3060 seriyalı qrafik karta üstünlük verir və ondan aktiv olaraq istifadə edir. Bununla belə, Çin texnoloji forumunun hesabatında deyilir ki, Nvidia artıq 2021-ci ildə buraxılan ən populyar qrafik kartının istehsalını dayandırır. Beləliklə, texnologiya nəhəngi artıq RTX 3060 qrafik kartı istehasl etməyəcək.
Bobantang forumunun idarəçisi iddia edir ki, Nvidia RTX 3060 qrafik kartının istehsalını dayandırdığını elan edib və tərəfdaşlarına son qrafik kart sifarişlərini vermək üçün məlumat verib. Əslində qrafik kartın istehsalının başa çatması o demək deyil ki, RTX 3060 qrafik kartı artıq mövcud olmayacaq. Mağazalarda vitrinlərdəki qrafik kartlar tədricən tükəndiyi üçün qrafik kartı bir müddət bazarda qalacaq. Bu, Nvidia-nın qrafik kartı dəstəkləməyi dayandıracağı mənasına da gəlmir. RTX 3000 seriyasının digər üzvləri kimi o, drayver yenilənmələrini və yeni funksiyaları əldə edəcək. Qeyd edək ki, keçirilən sorğuda ən populyar qrafik kartları aşağıdakı kimidir:
NVIDIA GeForce RTX 3060 (5,88%)
NVIDIA GeForce GTX 1650 (4,00%)
NVIDIA GeForce RTX 3060 Ti (3,58%)
NVIDIA GeForce RTX 3070 (3,52%)
NVIDIA GeForce RTX 4060 (3,47%)
NVIDIA GeForce RTX 2060 (3,43%)
NVIDIA GeForce RTX 4060 Laptop GPU (3,21%)
NVIDIA GeForce GTX 1060 (3,10%)
NVIDIA GeForce RTX 3060 Laptop GPU (3,00%)
NVIDIA GeForce RTX 4060 Ti (2,84%)
