Elon Musk, Neuralink-in ikinci dəfə insan beyninə çip yerləşdirdiyini hər kəsə elan edib. Belə ki, şirkət öz implantını başqa bir insanın beyninə yerləşdirib. İlk təcrübəsində uğurlu nəticə əldə edən şirkət bu dəfə ikinci təcrübəyə başlamağa qərar verib. Hələlik isə bu proses barəsində məlumat olduqca azdır.
Elon Musk-ın beyin-kompüter interfeysi yaratmağı qarşısına məqsəd qoyan şirkəti Neuralink bu ilin əvvəlində ilk insan təcrübəsini həyata keçirərək, Noland Arbaugh adlı iflic olan kişinin beyninə çip yerləşdirib. Uğurlu təcrübədən sonra Arbaugh öz düşüncə gücü ilə kompüteri idarə edə bilmişdi. Hətta sosial mediada paylaşımlardan tutmuş oyun oynamağa qədər çox şey etdiyinin də şahidi olmuşuq. Neuralink bu yaxınlarda ikinci dəfə insan təcrübəsi üçün təsdiq almağı bacarıb. Beləliklə, şirkət ikinci dəfə insanın beyninə çip yerləşdirib.
Lex Fridmanın podcast proqramına qatılan Musk, verdiyi açıqlamada Neuralink-in ikinci təcrübəsinə başladığını və ikinci dəfə insanın beyninə çip taxıldığını açıqlayıb. Milyarder əməliyyatın uğurlu keçdiyini və hər şeyin qaydasında olduğunu bildirib. Açıqlamaya görə, ikinci xəstənin beynindəki 1024 elektroddan 400-ü işləyir. Hələlik ikinci insan təcrübəsi haqqında bildiklərimiz budur. Şirkət əməliyyatın nə vaxt edildiyini və eksperimentin kimlər üzərində edildiyini hələlik açıqlamayıb. Qeyd edək ki, müraciətlər may ayında qəbul edilir. Əməliyyat yəqin ki, iyul ayına yaxın baş tutub. Bu xəstənin Arbaugh kimi düşüncə gücü ilə kompüter idarəsini həyata keçirə bilib-bilməyəcəyini isə zaman göstərəcək.
