Cənubi Koreyada yerləşən texnologiya nəhəngi Samsung, bəzi orta səviyyəli smartfon modellərinə də Galaxy AI xüsusiyyətlərini əlçatan edə bilər. Belə ki, Galaxy AI xüsusiyyətləri indi orta səviyyəli Samsung Galaxy A35 və Galaxy A55 modelləri üçün əlçatan ola bilər.
Bildiyimiz kimi, Samsung Galaxy AI xüsusiyyətlərinin Galaxy S24 seriyası, Galaxy S23 seriyası, Galaxy S23 FE, Galaxy Z Flip5 və Galaxy Tab S9 seriyalarından sonra bir çox başqa cihazlara gələcəyi deyilirdi. İndiyə qədər diqqət həmişə flaqman cihazlarda olub, lakin bu, tezliklə dəyişə bilər. Mənbələrə görə, 2024-cü ildə buraxılacaq bəzi orta səviyyəli Galaxy modelləri məhsuldar süni intellekt xüsusiyyətlərini də ehtiva edə bilər. Hal-hazırda bu mövzuda Galaxy A35 və Galaxy A55-dən bəhs edilir və flaqman və orta səviyyəli smartfonlar arasında xüsusiyyət fərqinin olacağı iddia edilir. Başqa sözlə, flaqmanlar üçün təklif olunan bəzi xüsusiyyətlər orta səviyyəli Galaxy smartfonlarında olmaya bilər.
Xatırladaq ki, Galaxy AI yeni flaqman smartfonlar üçün kamera, divar kağızı, tərcümə və digər bir çox tərəfdə dəstək olmuş və onu təkmilləşdirmişdi. Habelə gecə çəkilişi adlı yeni funksiya ilə daha az işıqlı fotoşəkilləri süni intellekt ilə emal etmək mümkün olmuşdu. Məhsuldar tənzimləmə adı ilə təklif olunan bu funksiyalar əsasən şəkillərin daha da təkmilləşməsi üçün nəzərdə tutulmuşdu. Bundan əlavə canlı tərcümə adlı yeni funksiya kamera, klaviatura və ya mesajlaşma tətbiqlərindən istifadə edərək smartfonunuzda canlı olaraq tərcümələr həyata keçirirdi. İndi isə bu Galaxy AI funksiyalardan bəziləri orta səviyyəli Galaxy A35 və A55 modellərində ola bilər.
