Beləliklə, Nvidia və MediaTek şirkətlərinin G-Sync əməkdaşlığı nəticəsində G-Sync monitorları artıq xüsusi aparata ehtiyac duymayacaq. MediaTek tərəfdaşlığı sayəsində bütün G-Sync xüsusiyyətləri daha çox monitora gəlir. Artıq ilk modellərin adları və xüsusiyyətləri də bəlli olub.
Nvidia G-Sync texnologiyasını daha çox monitora inteqrasiya etmək üçün mühüm addım atır. MediaTek ilə əməkdaşlıq sayəsində şirkət xüsusi aparat moduluna ehtiyac olmadan daha geniş diapazonlu monitorlarda G-Sync funksiyalarını təklif edəcək. Nvidia-nın hazırkı və gələcək G-Sync texnologiyalarını MediaTek-in monitor texnologiyalarına inteqrasiya etmək məqsədi daşıyır. MediaTek ilə əməkdaşlıqda Nvidia G-Sync texnologiyasını bütün xüsusiyyətləri ilə bazarda ən yaxşı monitor skalerlərinə gətirir. Bu sayədə şirkətin ən son texnologiyalarından biri olan Pulsar da daxil olmaqla G-Sync daha çox oyunçuya çata biləcək.
Xatırladaq ki, G-Sync ilk dəfə 2013-cü ildə ekran yeniləmə sürətlərini GPU ilə sinxronlaşdırmaq, ekran yırtılmalarının qarşısını almaq eləcə də, ecikmələri azaltmaq üçün ortaya çıxmışdı. lakin istehsalçılar G-Sync təklif etmək üçün monitorlarına xüsusi modul daxil etməli oldmuşdular. Bununla belə, 2019-cu ildə Nvidia FreeSync texnologiyasından istifadə edən monitorlara da dəstək verən G-Sync Compatible funksiyasını təqdim edərək müsbət addım atmağı bacarmışdı. Yenə də, bu monitorların əksəriyyəti Nvidia-nın bütün G-Sync funksiyalarını, məsələn, aşağı gecikmə HDR, sistemin gecikməsini ölçən Refleks Analizatoru və ya ultra aşağı hərəkət bulanıqlığı dəstəyini ehtiva etmir. Nvidia-nın MediaTek ilə əməkdaşlığı isə tam hüquqlu G-Sync texnologiyalarını bir çox monitorlarda əlçatan edəcək. Bu tərəfdaşlığın ilk məhsulları arasında AOC-nin Agon Pro AG276QSG2, Acer-in Predator XB273U F5 və Asus-un ROG Swift 360Hz PG27AQNR modelləri var.
