Nvidia və AMD şirkətləri ARM əsaslı kompüter prosessorları inkişaf etdircək. Belə ki, bu prosessorların buraxılması üçün 2025-ci il qeyd olunur. Reuters-in dərc etdiyi bu xəbər olduqca böyük marağa səbəb olub. Çünki, mobil çipset nəhəngi Qualcomm ilə başlayan və Apple mühəndislərinin bu başlatdığı trend bazarda ciddi bir dəyişikliyə zəmin yaradır.
![Nvidia ARM](https://tedroid.com/media/2023/10/nvidia-arm-amd-prosessor-windows.webp)
ARM əsaslı PC prosessorları Windows 12-nin gizli hədəflərinin xəbərçisidir?
Windows kompüterləri üçün hazırlanacaq Nvidia və AMD prosessorlar ARM arxitekturasına əsaslanır. Nvidia və AMD prosessorlarının Apple-ın M1 və M2 seriyalı prosessorları kimi yüksək performansı aşağı enerji istehlakı ilə birləşdirəcəyi gözlənilir. Burada xüsusi diqqət çəkən ad Nvidia-dır. Qrafik kartı və süni intellekt bazarına böyük ölçüdə hakim olan şirkətin son istifadəçi üçün ilk dəfə girəcəyi prosessor bazarında çox iddialı olacağı gözlənilir.
![ARM prosessor](https://tedroid.com/media/2023/04/arm-prosessor-1-1024x683.jpg)
Məhz elə bu gün Qualcomm da ARM əsaslı PC prosessorları üzərində işlədiyindən, Intel də bu mövzu üzərində narahatdır. ARM əsaslı prosessorlar hazırda Windows-un noutbuk tərəfində cəmlənib, lakin gələcəkdə masa üstü prosessorların gəlməsi gözlənilir. Təbii ki, bu mövzuda dominantlıq üçün Microsoft-un ARM dəstəyi verməsi vacibdir. ARM əsaslı dəstəyin isə Windows 12 ilə gətirilməsi gündəmdədir. Əgər belə olarsa, kompüter sektorunda ciddi dəyişikliklərin olması növbəti illər üçün qaçınılmazdır.