Beləliklə, Neuralink şirkəti diqqət cəlb etməyə davam edir. Bu dəfə şirkətin arxasında yer alan Elon Musk-ın açıqlaması olduqca böyük səs-küyün yaranmasına səbəb olub. Belə ki, Elon-un sözlərinə görə Neuralink 2026-cı ilə qədər 1000 insana beyin çipi yerləşdirməyi planlayır.
![Neuralink 1000 beyin çipi](https://tedroid.com/media/2024/07/neuralink-2026-1000-insana-beyin-cipi-1.webp)
Qeyd edək ki, Elon Musk-ın qurduğun Neuralink şirkəti uzun müddətdir ki, insan beynini kompüterlərlə birləşdirəcək infrastruktur qurur. İnsanları süni neyron şəbəkələri ilə kompüter, robot və ya digər elektron məhsulları idarə edə biləcək səviyyəyə çatdırmaq üçün çalışan şirkət, beyin/maşın əlaqəsi üçün “Link” adlı məhsuldan istifadə edir. Link xüsusi hazırlanmış, çox həssas robotla insan kəlləsinə inteqrasiya olunu Buradan beyin siqnallarını toplayan və onları çöldən başqa elektron cihazlara ötürə bilən Link, Elon Musk tərəfindən FitBit məhsuluna bənzədilir.
![Neuralink 1000 beyin çipi](https://tedroid.com/media/2024/07/neuralink-2026-1000-insana-beyin-cipi.webp)
Maraqlısı budur ki, Neuralink ilk insanlı sınağında uğurlu nəticə də əldə edib. Noland Arbaugh adlı şəxs Neuralink beyin çipsetini əldə edən ilk şəxs olub. Əslində şirkət keçən ay paylaşdığı videoda Arbaughun xəstəliyini qısaca açıqlamışdı. Bundan əlavə, FDA artıq ikinci insan sınağı üçün rəsmi təsdiq verib. Dünən bu mövzuda açıqlama verən Elon Musk da cihazın bir həftə ərzində ikinci xəstəyə implantasiya ediləcəyini açıqlayıb. Habelə, Elon açıqlamasına 2026-cı ilə qədər Neuralink şirkətinin 1000 insana beyin çipi yerləşdirə biləcəyini bəyan edib.