Microsoft tərəfindən buraxılan ikinci oyun konsolu Xbox 360 üçün rəqəmsal məzmun dəstəyi rəsmi olaraq başa çatır. Oyun konsolu üçün Mağaza və ya Marketplace veb-saytı şəbəkədən ayrılacaq.
Bildiyiniz kimi, oyun konsolu bazarının aparıcı adlarından biri olan Microsoft, Xbox Game Pass ilə böyük təcil qazanmağı bacarmışdı. Bununla yanaşı Microsoft, köhnə nəsil konsollara olan dəstəyini də yavaş-yavaş sonlandırmağa başlayıb. İndi Microsoft nəhayət ki, Xbox 360 serverlərini ayırmağa hazırlaşır. Xatırladaq ki, Microsoft şirkəti ilk dəfə ötən il Xbox 360 mağazasının bağlanacağını elan etmişdi. Lakin şirkət ötən il müəyyən bir tarix verməmişdi. Şirkət tərəfindən edilən son açıqlamaya görə, həm Xbox 360 mağazası, həm də Xbox 360 Marketplace veb-saytı 29 iyul 2024-cü ildə sonlandırılacaq.
Bu isə o deməkdir ki, oyunlar və DLC-lər kimi məzmunu Xbox 360 konsolunda almaq olmaz. Qeyd edək ki, Xbox One və ya Series X/S konsolunuzda köhnə oyunlarınız varsa onları rahatlıqda təhlükəsiz şəkildə istifadə edə bilərsiniz. Ümumiyyətlə, Xbox 360 Microsoft tərəfindən buraxılan ikinci konsol adını qazanıb və texnologiya nəhənginin geniş oyunçu seqmentinə çatdırmaqda əvəzsiz rola malikdir. Bütün bu uğurlara rəğmən isə Xbox 360 texnologiya nəhənginin texniki cəhətdən ən problemli konsollarından biri hesab olunur.
