Avtomobil və digər nəqliyyat vasitələrini daşımaq üçün nəzərdə tutulmuş ilk BYD Explorer No.1 nəqliyyat gəmisi Atlantik okeanına daxil olub. Belə ki, nəhəng BYD gəmisi məşhur Ümid burnu vasitəsi ilə Atlantik okeanına daxil olub və Avropaya doğru yol alır. BYD Auto şirkəti BYD Explorer No.1 nəqliyyat gəmisinin 15 yanvar 2024-cü ildə Xiaomi Beynəlxalq Logistika Limanından ilk səyahətinə çıxdığını elan etmişdi.
Texniki detallara nəzər salsaq Atlantik okeanına ilk dəfə daxil olan BYD nəqliyyat gəmisinin uzunluğu 199.9 metr, eni 38 metr və su çəkmə qabiliyyəti də 9 metrdir. Habelə gəminin sürəti 18.5 knot və ya 34.3 km/saat təşkil edir. BYD Auto şirkətinə məxsus olan bu gəmi 7 min avtomobili və ya digər nəqliyyat vasitələrini daşımaq üçün nəzərdə tutulub. Həmçinin BYD Explorer No.1 adlı bu gəmi nə az, nə çox 29.200 kilomentr mənzilə sahibdir.
Bu gəmidə BYD batareya texnologiyası və valorgenerator sistemindən istifadə olunur. Ümumiyyətlə Valorgenerator adlı bu sistem gəminin əsas hərəkəti üçün köməkçi mühərrik funksiyasını həyata keçirir. Nominal performansa çatdıqdan sonra valorgenerator adi generator rejiminə keçir və gəminin əsas generatorlarına düşən yükü azaldır. Qeyd edək ki, BYD şirkət gələcək 2 il ərzində daha 7 bu tip gəmini istifadəyə verməyi planlayır. Bu gəmilərin çoxalması şirkətin Avropa və digər regionlara olan tədarükünün də daha tez və daha asan şəkildə həyata keçirilməsini təmin edə bilər.
