Dünyanın ən tanınmış kosmos tədqiqatçısı olan Nasa, özünün Nasa+ adlı yayım platformasını elan edib. Belə ki, 1958-ci ildə ABŞ prezidenti Dwight Eisenhower tərəfindən qurulan və ABŞ-ın kosmik tədqiqatlarına cavabdeh olan NASA yəni National Aeronautics and Space Administration yeni platforması ilə onlayn yayım dünyasına addım atacaq. Gələcək həftələrdə istifadəyə veriləcək yeni platformada qurumun istehsal etdiyi cihazların xüsusi təqdimatı yayımlanacaq. Ümumiyyətlə Nasa yeni platforması ilə insanların kosmosa olan baxışlarını dəyişməyi, kosmos həvəskarlarına keyfiyyətli məzmun təqdim etməyi və gəncləri kosmos tədiqatlarına həvəsləndirməyi hədəfləyir.
Nasa bildirib ki, yeni Nasa+ yayım platforması pulsuz istifadəyə veriləcək və məzmunlar reklamlar ilə kəsilməyəcək. Yəni bir çox platformada olduğu kimi istifadəçilər abunə sistemi əsasında videoları izləməyəcək. Bu isə həqiqətən də Nasa şirkətinin platformadan gəlir əldə etmək məqsədinin olmadığını bir daha sübut edir. Qeyd edək ki, yeni platformaya iOS və Android tətbiqləri vasitəsi ilə daxil olmaq mümkün olacaq. Bundan əlavə masaüstü və mobil brauzerlərdən də istifadəçilər platformaya daxil ola biləcək. Maraqlısı budur ki, Apple TV kimi bir çox cihazlarda da Nasa+ platforması əlçatan olacaq.
Nasa qurumunun rəsmilərindən olan Marc Etkind bildirir ki, Nasa-nın yeni platforması ilə kosmos barmaqlarınızın ucunda olacaq. Yəni Nasa+ platforması şirkətin kosmosda naməlum olan materiallar üzərində olan araşdırmasını və digər bir çox yeniliyi təqdim edəcək. Hələlik plaftorma istifadəyə verilməsə də bütün tətbiqlər və brauzerlər hazır olduqdan sonra istifadəyə veriləcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
