Bildiyimiz kimi, Microsoft şirkəti hər dəfə Windows əməliyyat sistemləri üçün yeni funksiyalar təqdim edir və ya köhnə funksiyaları təkmilləşdirərək yeniləyir. Lakin Dave Plummer adlı bir tərtibatçı, 30 il əvvəl Microsoft şirkətinin Redmond-dakı qərargahında hazırlanmış Formatlaşdırma dialoq qutusu üçün bir kod qeydə alıb. Maraqlısı budur ki, bu qutunun görünüşü 30 il əvvəl necə idisə elə də qalıb. Yekunda isə məlum olub ki, Microsoft Windows 11 sistemindəki Formatlaşdırma dialoq qutusu funksiyasını 30 ildir ki, yeniləməyib.
Plummer bildirir ki, “Milyonlarla kod cərgəsini Windows 95 istifadəçi interfeysindən Windows NT-yə köçürüb və formatlaşdırma, Windows NT-nin Windows 95-dən çox fərqli olduğu, öz istifadəçi interfeysimizi hazırlamaq məcburiyyətində qaldığımız anlardan biri idi”. Plummer bir kağız parçası çıxardaraq disk formatlaşdırmaq üçün fayl sistemi, etiket, klaster ölçüsü, sıxılma və parol kimi bütün variantları qeyd edib.
Bu ibtidai “texniki xüsusiyyətlər vərəqi”nə əsaslanaraq, Plummer “zərif istifadəçi interfeysi” yaratdı. Keçid həlli olaraq Windows NT kod bazasına əlavə etdiyi sadə formatlayıcı artıq hazır idi. Bununla belə, istifadəçi interfeysinin bu təkmilləşdirilməsi heç vaxt həyata keçirilmədi və təxminən 30 il sonra Plummer-in ibtidai keçid həlli istifadə olunur. Plummer onu da qeyd edib ki, “Mən ehtiyat klasterin icazə verilən maksimum ölçüsünə qərar verməli oldum və nəticədə bunun üçün FAT həcmi 32 GВ limiti seçildi. Bu məhdudiyyət sadəcə təsadüfi seçim olsa da, sonrada daimi olaraq istifadə olundu”. Qeyd edək ki, son Windows istifadəçi interfeysi dəyişikliklərinə baxmayaraq, Microsoft bu funksiyasını hələ də yeniləməyib.
