Microsoft şirkəti ChatGPT tərzində süni intellekt texnoologiyaları üçün AMD şirkəti ilə prosessor hazırlayır. Belə ki, Microsoft şirkəti Athena kod adlı çipsetini inkişaf etdirməyə başlayıb. Microsoft şirkətinin məhz AMD ilə əməkdaşlıq etməyi heç də təsadüfi deyil. Belə ki, AMD şirkəti hal-hazırda süni intellekt proqramları və texnologiyaları ilə məşhur olan NVIDIA ilə rəqabətdədir. ChatGPT texnologiyası üçün on minlərlə NVIDIA cihazından istifadə edən Microsoft artıq öz cihazından istifadə etmək istəyir. Bu səbəbdən ötrü şirkət 1000 mühəndisdən ibarət komanda toplayır. Hətta Microsoft Athena prosessoru layihəsinə artıq 2 milyard dollar sərmayə qoyub.
Microsoft və AMD şirkətlərinin süni intellekt texnologiyaları üçün hazırladığı prosessor artıq prototip halına salınıb. Hətta mühəndislər prototipləri test etməyə başlayıb. Microsoft bu sahəyə qoyduğu vəsaiti qısa müddətdə süni intellekt sahəsindən əldə edəcəyinə inanır. Qeyd edək ki, süni intellekt texnologiyalarına tələbatın artması və prosessorların çatışmazlığı da Microsoft şirkətinin yeni layihəsinin əsas səbəblərindən biridir. Süni intellekt sahəsinə 10 milyard dollardan çox investisiya edən şirkət bu sahənin daha da inkişaf edəcəyini və daha çox prosessora tələbat yaranacağını düşünür.
AMD şirkəti əsasən Microsoft şirkətinin Athena kod adlı prosessor layihəsinə maliyyə dəstəyi göstərəcək və çiplərin tədarükünə kömək edəcək. Xüsusilə istehsal tərəfi AMD şirkəti tərəfindən idarə edilir. Microsoft şirkətinin AMD şirkəti ilə süni intellekt prosessorları layihəsində əməkdaşlıq etməsinin əsas səbəblərindən biri də məhz budur. AMD şirkəti prosessor sahəsində NVIDIA qədər təcrübəlidir. Microsoft bildirir ki, lazım gələrsə 2024-cü ildə hazır olması gözlənilən Athena çipsetini digər firmalara da satacaq.
