Microsoft tarixi həddi keçməyə hazırlaşır. Şirkətin güclü balans nəticələri və süni intellektə davamlı investisiyaları sayəsində onun bazar dəyəri ilk dəfə olaraq 4 trilyon dolları keçmək üzrədir. Beləliklə, yaxında baş verəcək bu nailiyyət Microsoft-u Nvidia-dan sonra 4 trilyon dollarlıq səviyyəyə çatan ikinci şirkət edəcək.
Maliyyə ilinin son rübünün nəticələrini açıqlayan Microsoft, bulud platforması Azure-un satışlarının artması və süni intellektlə dəstəklənən Office məhsullarına yüksək tələbatın artmasına səbəb olub. Şirkət həmçinin 2025-ci maliyyə ilinin birinci rübü üçün rekord kapital xərclərinin 30 milyard dollar olacağını proqnozlaşdırır. Gözləntiləri üstələyən nəticələrdən sonra şirkətin səhmləri bazardan əvvəlki ticarətdə 8,5 faiz artaraq 557,03 dollara çatıb. Bu, şirkətin dəyərini 4,14 trilyon dollara çatdırıb.
Şirkət 2019-cu ilin aprel ayında gəliri 1 trilyon dolları ötmüşdü. Bununla belə, 3 trilyon dollara çatmaq üçün yarışda Apple və Nvidia ilə müqayisədə daha ehtiyatlı hərəkət etmişdi. Nvidia isə 2025-ci il iyulun 9-da 4 trilyon dolları ötərək cəmi bir il ərzində dəyərini üç dəfə artıran ilk şirkət oldu. Apple hazırda təxminən 3,12 trilyon dollar dəyərindədir və ilin əvvəlindən onun səhmləri 14 faiz ucuzlaşıb. Bundan əlavə, Microsoft-un OpenAI ilə strateji tərəfdaşlığı onun yüksəlişində əsas rol oynayır. ChatGPT-nin 2022-ci ilin sonunda istifadəyə verilməsi ilə şirkətin Azure və Office platformaları süni intellekt imkanları ilə təkmilləşdirildi. Microsoft həmçinin OpenAI modellərinə eksklüziv çıxış sayəsində generativ süni intellekt yarışında liderlik uğrunda mübarizə aparır. Bu, şirkətə bulud gəlirlərini artırarkən Google və Amazon kimi rəqiblər üzərində üstünlük qazandırıb.
Trump-ın tarifləri qlobal bazarları silkələdikdən sonra 2025-ci ilin aprelində aşağı enən Microsoft səhmləri o vaxtdan bəri demək olar ki, 50 faiz artıb. Microsoft-un ardıcıl rekord gəlir elanları və süni intellektə yönəlmiş restrukturizasiya hərəkətləri Wall Street-in şirkətə olan inamını gücləndirdi. Şirkət həmçinin bu müddət ərzində 9 mindən çox işçisini işdən çıxarıb
