Bir çox Çinli yarımkeçirici şirkəti, müştərilərinə qızıl və mis kimi qiymətli metalların bahalaşması səbəbindən qiymətləri artırdıqlarını bildiriblər. Belə ki, bir çox qiymətli metallar da daxil olmaqla metal qiymətləri son 5 ildə kəskin şəkildə artıb. Məhz metal qiymətlərinin bu qədər artması da elektronik məhsullar üzərində qiymətlərin daha da bahalaşmasından xəbər verir.
Qeyd edək ki, metallar arasında xüsusilə misin qiyməti kəskin artıb. 2020-ci ildə 5000 dollar olan mis, indi 8300 dollara təklif olunur. Digitimes xəbər verir ki, buna görə də bir neçə Çin yarımkeçirici şirkəti qiymət artımı barədə məlumat verib. Bu vəziyyət öz növbəsində, yaxın gələcəkdə elektronik məhsullarda qiymətin artacağını bildirir. Bəzi şirkətlər, o cümlədən ICM və mikroçipləri dizayn edən, qablaşdıran və sınaqdan keçirən Yaxin Microelectronics, müştərilərinə qiymətləri 10-20 faiz artırdıqlarını bildirən məktublar yazıblar. Bu şirkətlərin bir çoxu səbəb olaraq metal qiymətlərinin, o cümlədən qiymətli metalların daimi bahalaşmasını göstərir.
Qiymət artımları HaloChip, Chiplink, TG-Star Electronics Technology, Sanliansheng və Kangqiang Electronics tərəfindən də açıqlanıb. Şirkətlər müasir smartfonların, kompüterlərin və digər elektron məhsulların bir çoxunda istifadə olunan əsas komponentləri tədarük etdiklərini qeyd ediblər. Bu yarımkeçirici istehsalçılarının baş ofisi Çində yerləşir, lakin onlar öz məhsullarını dünya üzrə şirkətlərə tədarük edirlər. Məsələn, Smart Chiplink-in müştərilərinə Broadcom, Texas Instruments, Intel/Altera və Analog Devices daxildir. Bu o deməkdir ki, qiymət artımları son mərhələdə istehlakçılara təsir edəcək.
