“Meta”-nın bir çox mövzuda mübahisələr doğuran Metaverse bölümü olan Reality Labs indiyə qədərki ən yaxşı dövrünü yaşayıb. Ancaq bu “ən yaxşı performans” nəticəsinə baxmayaraq, Reality Labs hələ də 4.6 milyard dollarlıq zərər edib. Bununla da deyə bilərik ki, Meta şirkətinin AR, VR və metaverse bölümü olan Reality Labs milyardlarda dollarlıq zərərə baxmayaraq ən yaxşı dövrünü yaşadı. Qeyd edək ki, Reality Labs yeni Quest qulaqlıqları və Ray-Ban Meta ağıllı eynəkləri sayəsində ötən ilin son rübündə 1 milyard dollardan çox gəlir əldə edərək, ən yaxşı dövrünü yaşayıb.
Gəlirlərin 1 milyard dolları keçməsi şirkətin metaverse qrupu üçün yeni bir mərhələ olsa da, yaxın gələcəkdə hələ də böyük itkilər verməyə davam edəcəyi gözlənilir. Reality Labs bu rübdə 4,6 milyard dollar, 2023-cü ildə isə 16 milyard dollardan çox vəsait itirib. Meta CFO-su Susan Li, bildirib ki, “Bu itkilərin artırılmış reallıq/virtual reallıq məkanında davam edən məhsul inkişaf səylərimiz və ekosistemimizi daha da genişləndirmək üçün etdiyimiz investisiyalar sayəsində ildən-ilə mənalı şəkildə artacağı gözlənilir”.
Mark Zuckerberg analitiklərlə keçirdiyi bir görüşdə, Ray-Ban istehsalçısı EssilorLuxottica-nın tələbə görə gözləniləndən daha çox istehsal etməyi planlaşdırdığını deyərək, ağıllı eynəkləri xüsusilə yaxşı iş çıxardığını vurğulayıb. O, Quest 2-nin və Quest 3-ün də “yaxşı performans göstərdiyini” əlavə edərək, Quest 3-ü ən populyar qarışıq reallıq cihazı adlandırıb. Reality Labs bir yana qoysaq, Meta ümumilikdə rübdə güclü idi və 2023-cü ili 40,1 milyard dollarla bağladı. Hətta, il ərzində ümumi gəlir 135 milyard dollar civarında olub.
