İnstagram, Facebook və WhatsApp şirkətlərinin bir araya gəldiyi Meta ötən illərdə aldığı Giphy şirkətini satmaq məcburiyyətində qalıb. Belə ki, 2020-ci ildə 400 milyon dollarlıq razılaşma ilə Giphy şirkətini alan texnologiya nəhəngi böyük zərər ilə şirkəti satıb. Bir vaxtlar dünyanın ən populyar GIF hazırlama və paylaşma xidmətlərindən biri olan Giphy ötən illərdə böyük dəyərə sahib olsa da indi çox dəyərsizləşib. Qeyd edək ki, texnologiya nəhəngi Giphy şirkətinin GIF kitabxanasını İnstagram və digər platformalarına inteqrasiya etmişdi. Bununla da şirkət zəngin GIF kitabxanasını idarə edirdi. Lakin bir neçə il sonra Meta şirkəti gözlənilməz vəziyyət ilə qarşılaşdı və 400 milyon dollara aldığı şirkəti sadəcə 53 milyon dollara satdı.
Qeyd edək ki, Meta şirkəti Giphy şirkətini 400 milyon dollara aldıqdan sonra bir neçə problem ilə üzləşib. Belə ki, İngiltərədə Rəqabət və Bazarlar İdarəsi yəni CMA bunun bazarda böyük rəqabət problemi yaratdığını bildirib və Metaya şirkəti dərhal satmasını əmr edib. Yekunda isə Meta itirdiyi pulun sadəcə 13%-i geri qaytardı. Beləliklə deyə bilərik ki, texnologiya nəhənginin Giphy şirkətinə sahib olması sosial media şəbəkələri arasındakı rəqabəti aradan qaldırdığı üçün onun satılması əmr edilib.
Meta şirkəti Shutterstock adlı şirktətlə Giphy ilə bağlı müqavilə imzalayıb. CMA Microsoft şirkətinin Activision şirkətini 68.7 milyard dollara almasına icazə verməmişdi. Shutterstock şirkətinin icraçı direktoru Paul Hennessy bildirib ki, şirkət yeni GIF kitabxanasını müştərilərinə təqdim edəcək. Hətta şirkət unikal imkanlardan istifadə edərək GIF kitabxanasını kommersiya məqsədi ilə istifadə etməyi planlayır.
