Bir çox sosial media platformasının sahibi olan Mark Zuckerberg Apple şirkətinin texnologiya sənayesindəki dominant rolundan və proqram tərtibatçılarına tətbiq etdiyi sərt qaydalardan narazılığını ifadə edib. Belə ki, Mark Zuckerberg Apple şirkətinin sərt qaydalarına riayət etməkdən bezdiyini bildirib. Meta şirkətinin prezidenti Llama ailəsindən yeni AI modelini elan edən yazıda şirkəti tənqid edib.
Mark bildirib ki, “Onların tərtibatçılara qoyduqları komissiyalar, tətbiq etdikləri ixtiyari qaydalar və bazara çıxmağın qarşısını aldıqları bütün məhsul yenilikləri, rəqiblərin bizə mane ola bilmədikləri təqdirdə Meta və bir çox digər şirkətlərin insanlar üçün daha yaxşı xidmətlər yarada biləcəyini açıq şəkildə göstərir”. Bildiyimiz kimi, Meta süni intellekt və metaverseni – insanların vaxtlarını keçirəcəkləri virtual məkanı və bunun üçün lazım olan VR qulaqlıqlarını fəal şəkildə inkişaf etdirir. Mark son müsahibəsində “Mənim nöqteyi-nəzərimdən Apple, edə biləcəyimizi məhdudlaşdırmaq üçün mütləq fərqli qaydalar tətbiq edir” deyə bildirib.
Apple, Apple Intelligence üçün OpenAI ilə əməkdaşlıq edib, lakin süni intellekt xüsusiyyətlərinin əksəriyyətini özü inkişaf etdirir. Texnologiya nəhəngi həmçinin gələcəkdə Google-un Gemini kimi üçüncü tərəf modellərinin inteqrasiyasında heç bir zərər görməyəcəyini bildirib. Lakin Meta ilə ilkin müzakirələrdə Apple, məlumatların məxfiliyi ilə bağlı narahatlıqlar səbəbindən şirkətin modellərindən narazı qalıb.
