Apple-ın əfsanəvi keçmiş dizayn rəhbəri Jony Ive OpenAI ilə yeni süni intellekt cihazı hazırlayacaqlarını rəsmən təsdiqləyib. Hələ ilkin mərhələdə olan layihə ilin sonuna qədər 1 milyard dollara qədər investisiya cəlb edə bilər və insanların süni intellektlə qarşılıqlı əlaqəsində inqilab edəcəyini vəd edir.
Ümumiyyətlə, Jony Ive ilə OpenAI baş direktoru Sam Altman-ın əməkdaşlıq edəcəyi ilk dəfə təxminən bir əvvəl müzakirə edilmişdi. Bu məlumat indi “The New York Times” jurnalında yayımlanan keçmiş dizaynerin “Apple”dan ayrıldıqdan sonra nə ilə məşğul olduğu barədə hesabatı ilə rəsmi olaraq təsdiqlənib. Süni intellekt və aparat sahəsində təcrübəni birləşdirərək layihə prinsipcə yeni hesablama cihazları sinfinin yaradılmasına gətirib çıxara bilər. Cihaz konsepti generativ süni intellekt imkanlarına əsaslanır ki, bu da mürəkkəb sorğuları ənənəvi proqram təminatından (firmware) daha səmərəli emal etmək qabiliyyəti sayəsində istifadəçilər üçün daha çox şey edə bilər.
Layihənin təfərrüatları məxfi qalsa da, Ive və Altmanın Airbnb CEO-su Brian Chesky tərəfindən tanışdırıldığı məlum olub. Layihə Ive və Laurene Powell Jobs-un Emerson Collective şirkəti tərəfindən maliyyələşdirilir. The New York Times yazır ki, layihə 2024-cü ilin sonuna qədər 1 milyard dollara qədər investisiya cəlb edilə bilər. Maraqlıdır ki, nəşrdə SoftBank-ın baş direktoru Masayoshi Son-un adından da bəhz edilir. Layihədə hazırda aralarında Ive ilə Apple iPhone-da birlikdə çalışan Tang Tan və Evans Hankey də olmaqda 10 nəfər çalışır. Cihazın dizaynı İve tərəfindən yaradılmış LoveFrom şirkəti tərəfindən həyata keçirilir.
