İtaliyanın İqtisadi İnkişaf Naziri Adolfo Urso hökumətin daxili kommunikasiyaları üçün Starlink rəqibi yeni texnologiyanın hazırlanacağını açıqlayıb. Bununla belə, layihə hələ tam tam təfərrüatlı işlənməyib.
Diqqətəlayiq bəyanatla Giorgia Meloni başçılıq etdiyi İtaliya hökuməti çıxış edib. İtaliyanın İqtisadi İnkişaf naziri Adolfo Ursonun verdiyi açıqlamaya görə, İtaliya SpaceX-in peyk internet xidməti Starlink rəqibi olan bir sistem hazırlamaq üçün qollarını çırmalayır. Görünən odur ki, peyk internet sənayesi yaxın gələcəkdə yenidən formalaşacaq. Xatırladaq ki, bir neçə ay əvvəl Avropa İttifaqı Starlink-ə rəqib olan texnologiya üzərində işə başladığını açıqlamışdı. Ancaq belə görünür ki, İtaliyanın həyata keçirmək istədiyi layihə Starlink kimi ictimaiyyətə açıqlanmaya bilər.
Açıqlamalara görə, İtaliyanın peyk internet layihəsi ən azı birinci mərhələdə hökumətdaxili rabitə üçün istifadə olunacaq. Əslində, İtaliya hökuməti bir müddət əvvəl Starlink xidmətinin daxili rabitə üçün əldə edilə biləcəyini açıqlamışdı. Bununla belə, müxalifət, Donald Tramp üçün əhəmiyyətli bir ad olan Elon Maskın şirkətinə belə həssas bir vəziyyət üçün üstünlük verilə bilməyəcəyini müdafiə edərək bu layihəyə yaxın durmamışdı. Belə olan halda isə İtaliya hökuməti məsələni öz əlinə almalı olub. Nazir Adolfo Urso mövzu ilə bağlı açıqlamasında layihəni hansı şirkətlərin hazırlayacağı və nə vaxt hazır olacağı ilə bağlı heç bir açıqlama verməyib.
