Son zamanlarda lightning kabeli ilə bağlı çoxlu təzyiqlərə məruz qalan Apple şirkəti indiyə kimi bu barədə çox da tutarlı bir açıqlama vermir. Lakin ötən gün böyük Apple təchizatçıları şirkətin iPhone 15 modellərində USB-C konnektorundan istifadə edəcəyini təsdiqləyən bir məlumat verib. Belə ki, verilən məlumata görə istehsalçılar MFi sertifikatlı lightning kabellərini istehsal etməyi dayandırıb. Çinli mənbələrin verdiyi məlumata görə MFi sertifikatlı lightning kabeli istehsalçılarının təqribən 80%-i fəaliyyətini dayandırıb.
Avropa birliyinin smartfonlar ilə bağlı verdiyi qərarından sonra Apple yeni modellərini USB-C portu ilə təchiz etməyə məcbur olmuşdu. Məhz bu hadisədən sonra isə istehsalçılar MFİ serifikatlı lightning istehsal etməyi dayandırmağı qərara alıb. Belə ki, onlar yeni modellərdə istifadə olunacaq USB-C kabellərini istehsalına yönəlməyə başlayıblar. Bəzi mənbələr bildirir ki, istehsalçıların 80%-i lightning kabelini istehsal etməyi dayandırsa da 20%-i hələ də bu kabelləri istehsal etməyə davam edir. Qeyd edək ki, tanınmış analitik Ming-Chi Kuo keçən həftə bütün iPhone 15 seriyalı smartfonların USB-C konnektorları təchiz ediləcəyini bildirmişdi. Həmçinin o qeyd etmişdi ki, yeni konnektora keçid edilməsi şarj sürətini əhəmiyyətli dərəcədə artıracaq. Lakin Ming-Chi Kuo yalnız iPhone 15 Pro və iPhone 15 Pro Max modellərinin yeni sürətli konnektor ilə təchiz ediləcəyini iddia edib.
Əlavə olaraq qeyd edək ki, Avropa birliyini verdiyi qərardan sonra Hindistan da oxşar qanunu qəbul etmək istəyir. Belə ki, Hindistanın İstehlakçı Məsələləri Nazirliyinin Qida və İctimai Paylama Katibi Rohit Kumar Singh bu baradə mətbuat konfransında çıxış edərkən məlumat verib.
