Intel iddialı planlarına baxmayaraq uğursuzluğa düçar olacaq. Belə ki, prosessor istehsalı üzrə ixtisaslaşan Intel çip istehsalı üçün TSMC-yə məcburən 14 milyard dollar ödəyəcək. Ümumiyyətlə Intel demək olar ki, bütün təqdim etdiyi prosessorları özü istehsal edir. Lakin uzun müddətdir ki, texnologiya nəhəngi ən vacib çiplərini istehsal etmək üçün üçüncü tərəf şirkətlərə müraciət edir. Daha əvvəl isə şirkət bu problemin qarşını almaq üçün müxtəlif planlar hazırlamışdı. Bütün bunlara baxmayaraq vəziyyət dəyişməyib.
Qeyd edək ki, Intel yeni Meteor Lake prosessorlarını istehsal edəcək. Məhz bu prossorların istehsalı üçün isə müəyyən çiplər önəmli rola malikdir. Məlumata görə Intel 3nm istehsal prosesindən istifadə edərək vacib rola malik çiplərini istehsa etmək üçün təkcə gələn il TSMC-yə 14 milyard dollar ödəyəcək. Yəni TSMC Intel brendinin yeni Meteor Lake prosessorlarında istifadə olunacaq GPU çiplərinin istehsalını həyata keçirəcək. Bundan əlavə Intel özü də Intel 4 istehsal prosesindən istifadə edərək çipset istehsal edir. Lakin bu çipsetlər prosessor istehsalında önəmli rola malik deyil.
Intel 4 texniki cəhətdən 7nm istehsal prosesi olduğu üçün texnologiya nəhəngi vacib rola malik olan çipsetlərini özü istehsal edə bildir. Məhz bu vəziyyətdə isə çipset istehsalında dünyada liderdlik edən TSMC ən müasir texnologiyaları ilə ən əlverişli seçimdir. Maraqlısı budur ki, Intel 5 il ərzində 5 istehsal prosesini mənimsəyib. Lakin bütün bu təkmilləşdirmələr yenə də şirkətin TSMC-dən asılılığını aradan qaldırmayıb. Qeyd edək ki, TSMC Intel brendinin Lunar Lake prosessorlarında istifadə olunacaq çipsetləri də istehsal edəcək.
