Ümumiyyətlə fəaliyyət sahəsindən asılı olmayaraq şirkətlər daim rəqabət aparırlar. Məhz bu rəqəbətin sonunda isə bəzi brendlər və şirkətlər daha çox gəlir əldə edir. Nəhayət Interbrand tərəfindən bu ilin ən yaxşı 100 brendi açıqlanıb. Son dövrlərdə dünyanın ən yaxşı şirkət və ya brendi siyahısında ilk sıralar dəyişmir. Bu il də müvafiq olaraq ilk sıralar heç təəccüblü olmadı. Qeyd edək ki, bu siyahı hazırlanarkən hər bir brendin dəyərinin, şirkətin maliyyə göstəricilərinin, eləcə də satınalma və rəqabət qabiliyyətinə təsirinin hərtərəfli təhlili və qiymətləndirilməsi aparılır.
Bu ilin ən yaxşı 100 brendi siyahısında lider isə öz növbəsində 502.680 milyon dollar göstərici ilə Apple brendidir. Habelə müvafiq olaraq ikinci və üçüncü yerləri 316,659 milyon dollarlıq dəyər ilə Microsoft, 275.929 milyon dollar göstərici ilə Amazon tutur. Məhz bu şirkətlərin ardınca isə Google və Samsung kimi texnologiya nəhəngləri də gəlir. Onu da qeyd edək ki, Apple şirkətinin dəyəri ötən ilə nisbətən 4%, Microsoft, Amazon şirkətlərində isə müvafiq olaraq 14% və 1% artıb. Ötən ildən bir pillə aşağı düşən isə Coca-Cola brendi olub. Belə ki, şirkət 58 milyon dollarlıq dəyəri ilə 8-ci sırada qərarlaşıb.
Ümumiyyətlə dünyanın ən yaxşı 100 brendi siyahısında ilk 20-likdə 3 avtomobil brendi dayanır. Onlardan Toyota 64.5 milyon, Mercedes-Benz 61.414 milyon dollar və BMW isə 51.157 milyon dollar dəyər ilə müvafiq olaraq 6-cı, 7-ci və 10-cu yerlərdə dayanır. Maraqlısı budur ki, siyahıda süni intelelkt, avtomobil, qarışıq reallıq, sosial media, fast food və digər fəaliyyət sahələri ilə məşğul olan brendlər mövcuddur. Lakin yenə də bu siyahı hər il demək olar ki, eyni qalır.
