Hazırda bəşəriyyətin qarşısında duran ən əsas məsələn ətraf mühitə dəyən zərərin aradan qaldırılımasıdır. Qeyri-kommersiya təşkilatı Oxfam İnternational ötən günlərdə maraqlı araşdırma edib. Mənbəyə görə dünyanın ən zəngin insanları siyahısına daxil olan sadəcə 1% insan, digər yoxsul insanların 66%-dən daha çox karbon çirklənməsi yaradır. Beləliklə dünya əhalisinin sadəcə 77 milyonluq ən zəngin hissəsi, 5 milyard insandan daha çox karbon emissiya edir. Bu gün dünyada iqlim dəyişikliyi ilə mübarizə durmadan davam edir.
Bir iqlim dəyişikliyi və karbon emissiyalarını bəşəriyyətin ortaq problemi olaraq adlandırırıq. Lakin yeni ortaya çıxan bu araşdırma göstərir ki, dünyanın ən zəngin insanları sözdə ortaq olan bu karbon emissiyası probleminin başlıca səbəbkarıdır. Stokholm Ətraf Mühit İnstitutunun 2019-cu ildə apardığı “İqlim Bərabərliyi: 99% üçün Planet” adlı araşdırmanın təkrarı olan yeni araşdırma, ölkələr üzrə ən yüksək gəlirə malik insanların karbon emissiyalarını araşdırıb. Qeyd edək ki, siyahıya ABŞ-da illik gəliri 140 min dolları ötən sadəcə 1% insan əlavə edilib. Yekun hesabat isə bu ay Dubayda keçiriləcək dünya liderlərinin COP28 sammitindən əvvəl dərc edilib.
Araşdırmaya görə, dünyanın ən zəngin 77 milyon insanı ən yoxsul 5,11 milyard insandan daha çox karbon emissiyasına səbəb olur. Əslində burada təkcə zəngin insanların bütün sərmayə və investisiyalarının meydana gətirdiyi karbon emissiyasından bəhs olunmur. Məsələn Məsələn, Louis Vuitton-un qurucusu Bernard Arnault-un bütün sərmayələrini bir kənara qoysaq belə, adi bir Fransa vətəndaşından 1270 dəfə çox karbon emissiyasına səbəb olur. Tədqiqatın müəlliflərindən olan Max Lawsonun fikrincə, zəngin insanlar üçün karbon emissiyasını azaltmaq daha asandır. Lawson düşünür ki, dünyanın ən zəngin insanlarının səbəb olduğu bu karbon çirklənməsini müxtəlif vergi və sanksiya ilə azaltmaq mümkün ola bilər. Onu da qeyd edək ki, dünyada karbon emissiyalarının yarısı məhz ən zəngin 10%-lik insanlar tərəfindən yaradılır.
