ABŞ tərəfindən müxtəlif sanksiyalara məruz qalaraq texnologiya sahəsində daim yeniliklər etməyə məruz qalan Huawei bu dəfə Kirin 8000 çipsetini hazırlayır. Qeyd edək ki, texnologiya nəhəngi 5G bağlantısı Android əməliyyat sistemi və digər vacib texnologiyalardan ABŞ məhdudiyyətlərinə görə istifadə edə bilmir. Android əvəzinə tamamilə yeni əməliyyat sisteminə keçid edən Huawei 5G bağlantısına görə özünəməxsus çipset hazırlamaq məcburiyyətində qalmışdı. Hətta Huawei şirkətinin hazırladığı Kirin 9000s çipseti böyük mübahisələrə də səbəb olmuşdu.
Kirin 9000s çipsetindən sonra bütün gözlər Huawei şirkətinə və çinli çipset istehsalçılarına yönəlmişdi. Habelə Çin dövləti də yerli Huawei brendinə dəstək olmaq üçün əlindən gələni etməyə başladı. Daha əvvəl çinli texnologiya nəhənginin Kirin K9 adlı çipset üzərində işlədiyi məlum olmuşdu. Bununla belə bu çipsetin hansı cihazlarda istifadə olunacağı öz cavabını tapmamışdı. İndi isə Huawei brendinin yeni Kirin 8000 adlı çipset üzərində işlədiyi məlum olub.
HWiNFO və Nova 12 Pro-dan çəkilmiş görüntülərdə Kirin 8000 çipsetinin mövcudluğu öz təsdiqini də tapıb. Kirin 8000 çipsetinin saat sürəti və nüvə konfiqurasiyası kimi texniki məlumatları hələlik paylaşılmayıb. Digər tərəfdən, adlandırma sxemini nəzərdən keçirsək, platformanın Kirin 9000S-dən bir qədər aşağıda yerləşəcəyini və onun kimi SMIC-in 7 nm prosesinə əsaslanacağını deyə bilərik. Kirin 8000 böyük ehtimalla rəqiblərindən zəif olsa da, orta seqmentdə Huawei brendinin əsas yardımçısı olacaq.
