Məşhur araşdırma firması olan Counterpoint Research, ən populyar mobil əməliyyat müqayisə edib. Belə ki, Huawei HarmonyOS həm Çin, həm də qlobal bazarlarda payını iki dəfə artıraraq iOS sistemini Çində ötməyi bacarıb.
Counterpoint Research tədqiqat şirkəti 2024-cü ilin birinci rübü üçün ən populyar mobil əməliyyat sistemlərini açıqlayıb. Huawei HarmonyOS ilk dəfə iOS sistemini geridə qoyaraq Çində ikinci ən böyük mobil əməliyyat sistemi olub. Android və iOS öz istifadəçilərini itirməyə başlayıb. Counterpoint Research-ə görə, HarmonyOS bazardakı payını sürətlə artırmağa davam edir. Çindən başlasaq, 2023-cü ilin birinci rübündə 8% olan bazar payı 2024-cü ilin birinci rübündə 17%-ə yüksəlib. Həmin dövrdə iOS-un payı 20%-dən 16%-ə düşüb. Bu, iOS-un 2019-cu ilin birinci rübündən bəri Çində bazar payının azaldığı ilk rüb hesab olunur. Hesabatda bu azalmanın səbəbi kimi Huawei-nin 5G smartfon bazarındakı yüksəlişi vurğulanır.
Bundan əlavə, bu yüksəliş təkcə Çinlə məhdudlaşmırdı. Qlobal miqyasda bazar payı illik müqayisədə iki dəfə artaraq 2024-cü ilin birinci rübündə 4%-ə çatıb. Həmin dövrdə Android və iOS-un bazar payları müvafiq olaraq 78% və 20%-dən 77%-ə və 19%-ə düşüb. Bu azalma, çox güman ki, iPhone təqdimatındakı mövsümi dalğalanmalarla əlaqədardır. Counterpoint 4G və 5G texnologiyalarının istifadə dərəcələrini də bölüşüb. Müvafiq olaraq, 2023-cü ilin birinci rübündə 9% olan 5G mənimsəmə nisbəti bu ilin birinci rübündə 50%-ə yüksəlib. Hətta bu tendensiyanın davam edəcəyi gözlənilir, çünki Huawei hazırda tədarük zəncirini lokallaşdırmağa diqqət yetirir.
