ABŞ sanksiyalarına rəğmən daim yeniliklər təqdim etməyə çalışan və bazardakı mövqeyini bərpa edən Huawei Google şirkətini ötüb. Beləliklə, Çinli texnologiya nəhəngi Huawei ağıllı telefon bazarında ABŞ mərkəzli Google şirkətini ötüb. Qeyd edək ki, son dövrlərdə Huawei-nin smartfon satışları artmaqdadır və şirkət aqressiv şəkildə öz Kirin çipsetlərini istehsal edir.
Beləliklə, Huawei bütün smartfonlarını Kirin çipseti ilə təchiz etməyə çalışır. Nəticədə isə Hisilicon-un bu ilin birinci rübündə bazara 8 milyon SoC göndərdiyi məlum olub. Qeyd edək ki, Huawei-nin smartfon satışından əldə etdiyi gəlir 6 milyard dollar təşkil edib. Müqayisə etsək, Google eyni dövrdə 2 milyon məhsul göndərib və 2 milyard dollar qazanıb. Bununla da deyə bilərik ki, Huawei ağıllı telefon bazarında Google şirkətini qabaqlayıb.
Bununla belə, Çin nəhəngi hələ də Samsung-dan xeyli uzaaqdadır. Samsung şirkəti 18 milyon məhsul tədarük etməklə 9 milyard dollar qazanıb. Tədarüklərin sayı baxımından Unisoc, Apple, Qualcomm və ardınca MediaTek gəlir. Lakin, pul baxımından Apple siyahıda liderlik edir, onun ardınca isə Qualcomm, daha sonra MediaTek, Samsung, HiSilicon, Unisoc və Google gəlir. Onu da qeyd etmək olar ki, Apple və Samsungdan başqa digər bütün texnologiya nəhəngləri son dövrdə tədarüklərini artırıb.
