Barselonada bu gün yekunlaşması planlaşdırılan MWC 2023 sərgisi timsalında bir çox məşhur smartfon istehsalçısı brendlər təmsil olunmaqda idi. Hansı ki, sərgidə xüsusilə Çinli brendlər ayrıa diqqət çəkirdilər. Bunlara Xiaomi, Realme, OnePlus, OPPO, Huawei və hətta bu xəbərimizin əsas müzakirə mövzusu olan Honor da aiddir. Ana şirkətin yaşadığı sanksiyalardan sonra ayrılaraq müstəqil bir şirkət kimi inkişaf edən Honor brendinin bazara çıxardığı smartfonların isə çox rəqabətcil alındığı heç kəsə sirr deyil. Rəqabəti formalaşdıran əsas detal isə keyfiyyətli məhsullar ilə bazara çıxmağı bacarmaqdır. Nəticə etibarilə brendin bu uğuru bəlkə də təməlini formalaşdıran Huawei şirkətindən gəlir. Uzun müddət sonra ilk dəfə Honor baş icraçı direktoru içində Huawei adı çəkdiyi bir açıqlaması ilə gündəmə gəlib.
Zhao Ming-in fikrincə Honor artıq məhsul cəhətdən Huawei şirkətinin çox irəlisindədir
Zhao Ming qeyd edib ki, Huawei həqiqətən də innovasiya, sənaye məhsulları və idarəetmə sahələrində çox yaxşı gücə malikdir. Lakin Honor şirkəti sırf məhsul yönümlü hədəfi ilə, artıq Huawei şirkətini çoxdan geridə qoyub. Əslində, bu deyilənlərlə hamımız asanlıqla razılaşa bilərik. Çünki, potensial olaraq Honor brendi elektronika məhsullarının istehsalı ilə məşğul olan bir şirkət olduğundan Huawei kimi nəhəng təminatçı bir şirkət ilə müqayisədə məhsullara daha yaxşı fokuslanmışdır.
Digər bir tərəfdən Honor baş icraçı direktorunun sözlərinə görə Honor üçün əsas hədəf Apple, Samsung, hətta Huawei ilə də qlobal bazarda rəqabət aparmaqdır. Ən yeni flaqman Honor Magic 5 seriyasını belə qlobal bazarda ilk dəfə anons etmiş şirkət, hər bir məhsul çeşidi ilə qlobal bazarda, müxtəlif ölkələrdə təmsil olunmaqda maraqlıdır. Şirkət rəhbəri həmçinin bildirib ki, Honor hazırki inkişaf tempini əldə etmək üçün son 2 ildə ciddi resurslar sərf edib. Google servisləri ilə dəstəklənən orijinal Honor cihazlarındakı Magic OS interfeysinə qədər bir çox detal xüsusi təkmilləşdirmə mərhələlərindən keçib. Yaxın gələcəkdə isə şirkətin etmək istədikləri ilə bağlı hədəfləri böyükdür.
